ۋنيۆەرسيادادا ۇسىنىلاتىن اس ءمازىرى انىقتالدى

الماتىدا ۋنيۆەر­سيا­دا-2017 ويىندارىنا قاتى­سا­تىن سپورتشىلاردىڭ ءبىر كۇن­دىك كالوريا نورماسى تالاپتارى انىق­تالدى. ديرەكتسيا مالىمەتىنە قا­راعاندا, 4000-4500 كالوريا ارالىعىندا بولادى. ەن­دى اتلەتتەر ءۇشىن اس ءمازىرىن دايىنداعان كەزدە وسى نورما ەسكەرىلەدى. سپورتشىلارعا ارنالعان تاۋلىكتىك تاماقتانۋ نورماسىندا ەت, ءسۇت ونىمدەرى, استىق بۇيىمدارى سەكىلدى ماڭىزدى ونىمدەر قاراستىرىلعان. سون­داي-اق, اتلەتتەردىڭ دۇرىس زات الماسۋىن ساقتاۋ ءۇشىن ولارعا پايدالى سۋسىنداردىڭ بارلىق تۇرلەرى ۇسىنىلادى. وسىلايشا قىسقى ويىندار 110 000 كيلوگرامعا دەيىنگى مولشەردە ەت ونىمىمەن, سونىڭ ىشىندە قوي, جىلقى, تاۋىق جانە كۇركەتاۋىق ەتى­مەن قامتاماسىز ەتىلەدى. ۋني­ۆەرسيادا-2017 سپورتشىلارى مەن قاتىسۋشىلارىنا ارنالعان تاعام ۇلەستىرۋ بەكەت­تەرىنە شامامەن 6100 كگ-دەن ۇن ءونىمى مەن 60 000 كگ-دان استام ءسۇت ءونىمى جەتكىزىلەدى. ۋنيۆەرسيادا كەزىندە سپورتشىلار مەن رەسمي دەلەگاتسيالار مۇشەلەرى, FISU تەحنيكالىق دەلەگاتتارى, حالىقارالىق تەح­نيكالىق ماماندار (ITOs), ۇلتتىق تەحنيكالىق مامان­دار (NTOs), ەرىكتىلەر, باق وكىلدەرى, مەديتسينالىق قىز­مەتكەرلەر, ۇيىمداستىرۋ كوميتەتى, FISU Family وكىلدەرى تاماقتاندىرىلاتىن بولادى. سونداي-اق, اتلەتتەر اۋىلىندا قازاقتىڭ ۇلتتىق, ەۋروپالىق جەرورتاتەڭىزىلىك, ازيالىق, ۆەگە­تەرياندىق جانە حالال سە­كىل­دى بەس تاعام تۇرلەرىن دايىن­دايتىن 1000 ورىنعا شاقتالعان اسحانالار جۇمىس جاسايدى. ۋنيۆەرسيادا ەرىكتىلەرى ءۇشىن تاماقتاندىرۋ لانچ-بوكستار تۇرىندە ۇسىنى­لادى. سونداي-اق, ءاربىر نى­سان­­نىڭ كوممەرتسيالىق اي­ما­عىندا كورەرمەندەر مەن جان­كۇيەرلەرگە ارناپ تاماقتاندىرۋ ۇيىمداس­تى­رىلادى. سونداي-اق, الماتى قالا­سىنىڭ تۇتىنۋشىلاردى قور­عاۋ دەپارتامەنتىمەن ءبىر­­لەسە وتىرىپ, ۋني­ۆەر­­سيادا-2017 ويىندارى كەزىندە تاماق­تاندىرۋعا باقىلاۋ جۇرگىزۋ جونىندەگى بىرلەسكەن ءىس-شا­رالار كەشەنى دايىندالدى. وسىلاي­شا سپورت­شىلار مەن قوناق­تار­­­­دىڭ سانيتارلىق-ەپي­دەميولوگيالىق ساۋلىعى قام­تاماسىز ەتىلەدى. نىسان­دار­دا گيگيەنالىق نور­ماتيۆ­تەر­دىڭ قانشالىقتى ساقتالىپ وتىر­عاندىعىن تەكسەرۋ باعى­تىندا زەرتحانالىق زەرتتەۋلەر مەن اسپاپتىق ولشەمدەر جۇرگىزىلەدى. ايناش ەسالي, «ەگەمەن قازاقستان» الماتى