گولليۆۋدتا فيلم ءتۇسىردى

حايرۋللا-سۇلتان حيسامي – اقش-تىڭ نيۋ-يورك كينو اكادەمياسىنىڭ 3-كۋرسىندا ءبىلىم الىپ جۇرگەن ماڭعىستاۋلىق جاس. تالانتىن ىسپەن دالەلدەۋگە ۇمتىلعان ول گولليۆۋدتا تۇسىرىلگەن «اقىرعى كۇنا» اتتى قىسقا مەتراجدى ءفيلمىنىڭ تۇساۋىن تۋعان جەرىنە كەلىپ كەستى. بيۋدجەتى 3 مىڭ دوللاردى قۇرايتىن كينو باتىستىق ستيلدە تۇسىرىلگەن, ال ماعىناسى جاعىنان قاتىگەزدىكتەن اۋلاق بولۋعا جانە جاسالعان كۇنانى كەشىرۋگە ۇندەيدى. فيلم سيۋجەتى كەيىپكەرلەر – قىدىرۋمەن كۇنا جاساعان ءدىندار مەن ونىڭ ۇلى اراسىندا ءوربيدى. كۇنا ارالاسقان قيىندىقتان كەشىرىم, مەيىرىم جانە توزىمدىلىكپەن كۇرەسۋ ارقىلى شىعۋ جولى ۇسىنىلادى. كاليفورنيانىڭ دالاسىندا تۇسىرىلگەن كينو ءۇشىن نەبارى ءبىر-اق كۇن جۇمسالعان. «ەڭ باستى قيىندىق – كۇننىڭ قاتتى ىستىق بولۋى ەدى», دەيدى حايرۋللا-سۇلتان حيسامي. ازىرگە جابىق كورسەتىلىممەن جۇرتشىلىق نازارىنا ۇسى­نىلعان ءفيلمدى 200-گە تارتا اقتاۋلىق تاماشالاپ, وڭ پىكىر­لەرىن ءبىلدىردى. جاس تالانت­تىڭ شەتەلدە العان ءبىلىمىن دامىتىپ, تىرناقالدى تۋىندىسىن جارىققا شىعارىپ ۇلگەرگەنىنە قۋانىپ, مۇنى ءوڭىر ونەرىنە جاڭا دا جاس تالانتتىڭ قوسىلۋى دەپ باعالاپ جاتتى. كينو سوڭىنان نازارباەۆ زياتكەرلىك مەكتەبىنىڭ 11-سىنىپ وقۋشىسى دامير بەشاكوۆپەن بىرگە شەبەرلىك سىنىبىن وتكىزگەن حايرۋللا-سۇلتان ءوز ارمانى تۋرالى ءبولىسىپ, ارمانعا جەتۋ جولىنداعى تاباندىلىق تۋرالى اڭگىمەلەدى. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى  سۋرەتتەر tumba.kz سايتىنان الىندى