ەۋرومەن اقشا ساقتاۋ ءتيىمسىز - اقىشەۆ

ەۋرومەن اقشا ساقتاۋ نەعۇرلىم ءتيىمسىز. بۇل تۋرالى قر ۇلتتىق بانكىنىڭ توراعاسى دانيار اقىشەۆ مالىمدەدى, - دەپ حابارلايدى بانكتىڭ ءباسپاسوز قىزمەتى. اقىشەۆ: "اعىمداعى جاعدايدا شەتەل ۆاليۋتاسىنا دەگەن حالىقتىڭ ساقتالىپ وتىرعان سۇرانىسى ايتارلىقتاي شىعىندارعا اكەلۋ تاۋەكەلىنە ۇشىرايدى. تەڭگەنىڭ اقش دوللارىنا قاتىستى ايىرباستاۋ باعامى 2016 جىل بويى قۇبىلمالى بولدى جانە ونىڭ اۋىتقۋى 328-دەن 384-كە دەيىنگى شەكتە بولدى. بىراق وتكەن جىلى 6 پايىزعا السىرەگەن ەۋروعا سالىم ينۆەستيتسيالاۋدىڭ نەعۇرلىم ءتيىمسىز ستراتەگياسى بولدى, ونىڭ تەڭگەگە قاتىستى اۋىتقۋى جىل بويى 343-تەن 418-كە دەيىنگى شەكتە بولدى", - دەپ اتاپ ءوتتى. سونداي-اق, ۇلتتىق بانكتىڭ توراعاسىنىڭ مالىمەتىنشە, ىشكى ۆاليۋتا نارىعىنداعى احۋال تۇراقتى بولىپ وتىر. باعامنىڭ ەكى جاققا كۇندەلىكتى اۋىتقۋى قالىپتى شەكتەر شەڭبەرىندە بولدى. جەلتوقساننىڭ سوڭىندا تەڭگەنىڭ  بيرجالىق باعامى ءبىر ايدا 2,4 پايىزعا (جىل باسىنان باستاپ 2 پايىزعا) نىعايىپ, ءبىر اقش دوللارى ءۇشىن 333,29 تەڭگەنى قۇراعان. ول حالىق اراسىندا جۇرگىزىلگەن پىكىرتەرىم ونىڭ دەۆالۆاتسيالىق كۇتۋلەرىنىڭ كەيبىر تومەندەۋىن كورسەتكەندىگىن اتاپ ءوتتى. وعان قوسا, رەسپوندەنتتەردىڭ ۇشتەن ءبىر بولىگى مۇناي باعاسىنىڭ سەرپىنىن تۇراقتى تۇردە باقىلاپ وتىرادى. "وسىعان  قاراماستان, وتكەن  جىلدىڭ جەلتوقسانىندا ۆاليۋتا نارىعىنا كاسىبي قاتىسۋشىلاردىڭ, سونداي-اق حالىقتىڭ ءىس-ارەكەتىن ءتيىمدى بولدى دەپ ايتۋعا بولمايدى. مۇنايعا دەگەن الەمدىك باعانىڭ 13 پايىز وسۋىنەن تۋىنداعان تەڭگەنىڭ نىعايۋى اياسىندا شەتەل ۆاليۋتاسىنا دەگەن سۇرانىس جوعارى بولدى", - دەدى  ۇلتتىق بانك باسشىسى.