قازاقستاندىق بىلعارى قولعاپ شەبەرى قانات يسلام كەزەكتى جەكپە-جەگى ءۇشىن دايىندىعىنا كىرىستى, دەپ جۋرناليست بەرىك سۇلتان ءوزىنىڭ فەيسبۋك پاراقشاسىندا حابارلادى.
«دايىندىقتى باستاپ جىبەردىك. قانات يسلامنىڭ كەلەسى جەكپە-جەگىنە كيەتىن شورتى ديزاينى ءبىتتى. بۇل جولى اق ءتۇستى تاڭداپ وتىرمىز. ونىڭ ەكى جاعى دا ويۋمەن ورنەكتەلگەن. سول قاپتالىندا بوكسشىنىڭ جەكە لوگوتيپى ورنالاسقان. ال بەلىندە (الدىندا) بوكسشىنىڭ ەسىمى مەن تەگى, ارتقى جاعىندا لاقاپ اتى جازىلعان. بۇيىرتسا, جاقىن كۇندەرى كاسىپقوي رينگتە ءالى جەڭىلمەگەن باتىر ۇلدارىڭىزدىڭ كەلەسى جۇدىرىقتاساتىن كۇنى مەن ۋاقىتىن مالىمدەيمىز. بۇل جولى دا جەكپە-جەككە باس دەمەۋشىلىك تانىتىپ وتىرعان «Zhersu» كورپوراتسياسى, ياعني باۋىرجان وسپانوۆ.
ەسكە سالا كەتەيىك, باۋىرجان وسپانوۆ – قانات يسلامنىڭ وسى ۋاقىتقا دەيىن وتكىزگەن بارلىق جەكپە-جەگىنىڭ باس دەمەۋشىسى ءارى جاناشىر اعاسى. سونداي-اق, بۇل جولعى جۇدىرىقتاسۋعا وزىندىك قولداۋىن ءبىلدىرىپ, دەمەۋشىلەر قاتارىنان كورىنگەن شىمكەنتتىك «Nuray construction» قۇرىلىس كومپانياسى, ونىڭ باسشىسى سپورت جاناشىرى التاي اينابەك مىرزاعا دا ەرەكشە العىس بىلدىرەمىز. جەڭىسكە بىرگە جەتەيىك! جەكپە-جەك تۋرالى رەسمي حابارلاما كۇتىڭىزدەر. اقش-تاعى بوكس كەشىن «قازاقستان» ۇلتتىق ارناسى كورسەتەدى دەپ جوسپارلانۋدا. قازاقتار, العا!» – دەپ جازعان.
بۇعان دەيىن قانات يسلام كەلەسى جەكپە-جەگى اقش-تا وتەتىندىگىن مالىمدەگەن.
