ۇلتتىق ۇلان تەحنيكالىق قۇرالدار كەشەنىن ساتىپ الماق

ۇلتتىق ۇلاننىڭ ارنايى ماقساتتاعى بولىمشەلەرى ارنايى وپەراتسيالاردى ورىنداۋ كەزىندە اتۋ مۇمكىندىكتەرىن ارتتىرۋ ماقساتىندا قارۋ-جاراقتىڭ جاڭا تۇرلەرى, زاماناۋي وپتيكالىق جانە ەلەكتروندى-وپتيكالىق قۇرىلعىلار الىندى. اسكەري قالاشىقتاردىڭ لاڭكەستىككە قارسى قاۋىپسىزدىگى ءۇشىن 2017 جىلى «پزتم» اكتسيونەرلىك قوعامىنان (پەتروپاۆل ق.) «ۇلان» كۇزەتى تەحنيكالىق قۇرالدار جۇيەسىنىڭ مامانداندىرىلعان كەشەنىن ساتىپ الۋ جوسپارلانىپ وتىر. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى گەنەرال-مايور مۇحامەتقالي ساتوۆ حابارلادى. -2009 جىلدان باستاپ ارنايى كولىكتەر – بروندى تەحنيكانىڭ «تيگر», «فەدەرال» جانە «ۋرال ۆۆ» سىندى جاڭا تۇرلەرى كەلە باستادى. 2011 جىلدان بەرى «سەماز» اق كولىك زاۋىتىنىڭ «ۋرال» بەلگىسىندەگى اۆتوكولىكتەرى اكەلىنە باستادى, - دەپ اتاپ ءوتتى باس قولباسشىنىڭ ورىنباسارى. كادرلاردى دايارلاۋ مەن اسكەري قىزمەتشىلەردىڭ كاسىبيلىگىن ارتتىرۋ اسكەر دامۋىنىڭ نەگىزگى باسىمدىقتارىنىڭ ءبىرى بولىپ سانالادى. وسى ورايدا, مەملەكەت باسشىسىنىڭ جارلىعىمەن 1997 جىلى ۇلتتىق ۇلاننىڭ پەتروپاۆلدا اسكەري ۋچيليششەسى قۇرىلىپ, كەيىن وقۋ ورنىنا اسكەري ينستيتۋت مارتەبەسى بەرىلدى. اسكەري ينستيتۋت قۇرىلعان كۇننەن باستاپ 2900 وفيتسەرلىك كادر دايارلادى, ولار بۇگىندە ۇلتتىق ۇلان, ۇقك شەكارا قىزمەتى, قم جانە مكق اسكەري بولىمدەرىندە قىزمەت اتقارادى. وپەراتيۆتىك-تاكتيكالىق دەڭگەيدەگى جوعارى بىلىكتى كادرلار دايارلاۋ ماقساتىندا 2010 جىلدىڭ قاراشا ايىندا تۇڭعىش پرەزيدەنت – ۇلت كوشباسشىسى اتىنداعى ۇلتتىق قورعانىس ۋنيۆەرسيتەتى جانىنان ۇلتىق ۇلان فاكۋلتەتى قۇرىلدى. سول ۋاقىتتان باستاپ اسكەرگە 50-دەن اسا اسكەري ءىس جانە قاۋىپسىزدىك ماگيسترى دايارلاندى, 120-دان استام وفيتسەر بىلىكتىلىك جوعارىلاتۋ كۋرسىنان ءوتتى. وتكەن 2016 جىلدىڭ جەلتوقسان ايىندا اتالعان فاكۋلتەتتە قامتاماسىزداندىرۋ كافەدراسى اشىلىپ, وندا تىل, تەحنيكا جانە قارۋ-جاراق, تاربيە سالاسىنىڭ جوعارى بىلىكتى ماماندارى دايارلانا باستادى. تاۋەلسىزدىك جىلدارى ىشىندە پرەزيدەنت جارلىعىمەن قايسارلىق پەن ەرلىك تانىتقانى ءۇشىن ءار ءتۇرلى مەملەكەتتىك ناگرادالارمەن – 145 اسكەري قىزمەتشى, ولاردىڭ 40-ى وردەندەرمەن ناگرادتالدى. سونداي-اق پولكوۆنيك قايرات ۇمبەتوۆكە ەڭ جوعارى دارەجەلى ەرەكشەلىك بەلگىسى – «حالىق قاھارمانى» اتاعى بەرىلدى. جالپى العاندا, اتقارىلعان ءتيىمدى جەتىلدىرۋ شارالارى اسكەردىڭ جاڭا ساپالى كەزەڭگە شىعۋىنا, ناتيجەسىندە مەملەكەتتىڭ ىشكى قاۋىپسىزدىگىنە قاۋىپ-قاتەر توندىرەتىن جايتتارعا قارسى جەدەل ارەكەت ەتۋگە, ەلىمىزدىڭ كەز كەلگەن اۋماعىندا قالىپتى, نە بولماسا كۇرت ۋشىققان جاعداي كەزىندە دە قۇقىق قورعاۋ جانە تەرروريزمگە قارسى مىندەتتەردى ءساتتى شەشۋگە مول مۇمكىندىكتەر بەرىپ وتىر. داستان كەنجالين, "ەگەمەن قازاقستان".