«ارسەنالدىڭ» ويىنشىسى قازاقستانعا نە ءۇشىن كەلمەدى؟

«كارديفف سيتي» كلبۋىنىڭ سپورت ديرەكتورى اليشەر اپسالياموۆ جارتىلاي قورعاۋشى مارۋان شاماحتىڭ قازاقستان پرەمەر-ليگاسىنا نە سەبەپتى اۋىسپاعانىن مالىمدەدى. بۇل تۋرالى vesti.kz حابارلادى. بۇعان دەيىن شاماحتىڭ قازاقستان پرەمەر-ليگاسىنداعى «التاي» ۇجىمىنا اۋىساتىندىعى حابارلانعان. «مارۋاننىڭ كەلىسىمشارتى اياقتالعاندىقتان, جاقىندا ماعان «التاي» كلۋبىنىڭ وكىلدەرى بايلانىسقا شىققان بولاتىن. قوس تاراپتىڭ اراسىندا كەلىسسوزدەر بولعانىن راستاي الامىن. نەگىزىندە ول ۇسىنىستى قابىلداۋعا دايىن بولعان. بىراق, ونىڭ سۇراعان جالاقاسى تىم جوعارى بولعاندىقتان, بۇل ءىس ءساتسىز اياقتالدى», – دەدى اليشەر اپسالياموۆ. ايتا كەتەيىك, ۆاليلىك فۋتبولشىنىڭ «كارديفف سيتيمەن» كەلىسىمى 2016 جىلدىڭ جەلتوقسان ايىنىڭ سوڭىنا تامان اياقتالعان. ول «بوردو», «ارسەنال», «ۆەست حەم» جانە «كريستال پەلاس» ساپىندا ويناعان. سونداي-اق, بۇعان دەيىن 32 جاستاعى ويىنشىعا الماتىنىڭ «قايراتى» دا قىزىعۋشىلىق تانىتقان.