2017 جىلى ورتالىق ازيا حالقى 70 ميلليوننان اسادى

2017 جىلى ورتالىق ازيا حالقى 70 ميلليوننان اسىپ جىعىلادى. بۇل تۋرالى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى, دەپ حابارلايدى قازاقپارات. «2017 جىل دەموگرافيالىق تۇرعىدان الىپ قاراعاندا ورتالىق ازيا ءۇشىن بەتبۇرىستى بولادى. اعىمداعى جىلى  ورتالىق ازيا ەلدەرىنىڭ حالقى كەمىندە 70 ميلليونعا جەتەدى, ءتىپتى ودان اسىپ تا تۇسەدى دەپ كۇتىلۋدە. بۇل وتە ماڭىزدى دەموگرافيالىق كورسەتكىش. نەلىكتەن ماڭىزدى؟ ويتكەنى وسىدان 25 جىل بۇرىن ورتالىق ازيا حالقى نە-ءبارى 50 ميلليون ادام بولعان ەدى. ياعني, وسى كەزەڭ ىشىندە ورتالىق ازيانىڭ حالقى 34 پايىزعا ءوسىپ وتىر. بۇل وتە جوعارى كورسەتكىش», -  دەدى قارين. ونىڭ ايتۋىنشا, حالىق سانىنىڭ ارتۋى ءولىم كورسەتكىشىنىڭ تومەندەۋىنە, ءومىر ءسۇرۋ جاسىنىڭ ورتاشا ۇزاقتىعىنا جانە ايماقتا بالا تۋ سانىنىڭ وسۋىنە بايلانىستى ورىن الۋدا. «بۇل ترەند الداعى ۋاقىتتا دا ساقتالاتىن بولادى. ءبىزدىڭ كوزقاراسىمىزشا, بۇل وتە ماڭىزدى وقيعا. سوندىقتان ورتالىق ازيا ەلدەرىنىڭ ۇكىمەتتەرى وزدەرىنىڭ الەۋمەتتىك-ەكونوميكالىق جانە وزگە دە ساياساتتارىن جۇرگزۋ بارىسىندا وسى جايتتى قاپەردە ۇستاۋى ءتيىس», - دەدى قسزي ديرەكتورى.