اپتانىڭ ەكونوميكالىق كۇنتىزبەسىندەگى ماڭىزدى 3 شارا

9-13 قاڭتار ارالىعىندا الەمدىك نارىققا ايتارلىقتاي وزگەرىس اكەلەتىن 3 وقيعانى نازارلارىڭىزعا ۇسىنامىز. فەدەرالدى قور باسشىلىعىنىڭ مالىمدەمەسى اقش فەدەرالدى قور جۇيەسىنىڭ باسشىلىعى وسى اپتادا كوپشىلىك الدىنا شىعىپ كەلەر ايدا دوللاردىڭ بازالىق ۇستەمەسىنىڭ كوبەيەر-كوبەيمەستىگى تۋرالى مالىمدەمە جاسايدى, دەپ جازادى امەريكالىق باق. بەيسەنبىگە دەيىن اقش-تىڭ بوستون, اتلانتا, فيلادەلفيا, چيكاگو مەن داللاستاعى وكىلدىكتەرىنىڭ باسشىلارى ءباسپاسوز ءماسليحاتىن وتكىزسە, بەيسەنبىگە فەدەرالدى قور پرەزيدەنتى دجاننەت يەللەننىڭ ءباسپاسوز ءماسليحاتى بەلگىلەنگەن. ايتا كەتەيىك, 12-13 جەلتوقساندا فەدەرالدى قور وكىلدەرى 2017 جىلى دوللاردىڭ بازالىق ۇستەمەسىنىڭ ءۇش رەت كوتەرىلۋى مۇمكىن ەكەنىن ايتقان ەدى. ەگەر فەدەرالدى قور بازالىق ۇستەمەنى ءۇش رەت كوتەرەتىن بولسا, دوللاردىڭ وزىندىك قۇنى شارىقتاپ, تەڭگەنىڭ باعامى دا كوتەرىلىپ كەتۋى ابدەن مۇمكىن. ترامپتىڭ ءباسپاسوز ءماسليحاتى اقش پرەزيدەنتتىگىنە سايلانعان دونالد ترامپ سارسەنبى كۇنى ءوزىنىڭ پرەزيدەنت رەتىندە العاشقى ءباسپاسوز ءماسليحاتىن وتكىزەدى. ينۆەستورلار وسى شارادا پرەزيدەنتتىڭ سالىق رەفورماسى, ساقتاندىرۋ نارىعى مەن اقش-قىتاي قاتىناسى تۋرالى جاڭالىقتارمەن بولىسەتىنىن ايتادى. رەسمي تۇردە ترامپ 20 قاڭتاردا اق ءۇي تورىنە وتىرادى. قىتاي ساۋداسىنىڭ مالىمەتتەرى جاريالانادى جۇما كۇنى قىتاي ۇكىمەتى وتكەن جەلتوقسانداعى ىشكى-سىرتقى ساۋداسى تۋرالى ناقتى مالىمەتتەرىن جاريالايدى. الدىن الا مالىمەتتەرگە سۇيەنسەك, قاراشامەن سالىستىرعاندا قىتايدىڭ سىرتقى ساۋدا اينالىمى جەلتوقساندا 46,6 ملرد دوللاردان 46,5 ملرد دوللارعا ازايعان بولۋى مۇمكىن. ال ەكسپورت كولەمى شامامەن 3,5 پايىزعا تومەندەگەن بولۋى ىقتيمال. ال يمپورت, ساراپشىلاردىڭ پىكىرىنشە, 2,7 پايىز ۇلعايعان بولۋى ءتيىس.