قازاقستاندىق بوكسشى قىزدار سەربيادا وتەتىن حالىقارالىق تۋرنيرگە قاتىسادى

تاياۋ كۇندەرى قازاقستاندىق بوكسشى قىزدار ۇلت كۋبوگى حالىقارالىق تۋرنيرىنە قاتىسۋ ءۇشىن سەربياعا اتتانادى, دەپ حابارلادى قازاقستان بوكس فەدەراتسياسىنىڭ ءباسپاسوز قىزمەتى. «دايىندىق قالىپتى رەجىمدە وتۋدە. قازىرگى ۋاقىتتا ءبىز الماتى وبلىسىنداعى ايبا اكادەمياسىندا جيىن وتكىزۋدەمىز. سەربيادا وتەتىن حالىقارالىق تۋرنيردە ءبىزدىڭ ءبىرىنشى ءنومىرلى بوكسشىلارىمىز, ونىڭ ىشىندە ريو وليمپيادا ويىندارىنا قاتىسقان داريعا شاكىموۆا مەن جاينا شەكەربەكوۆا ونەر كورسەتەدى. سەربيا ءتۋرنيرى جاڭا جىلداعى العاشقى جارىس جانە وندا قالاي جانە نەمەن جۇمىس ىستەۋ قاجەتتىگىن كورۋ كەرەك بولىپ تۇر. بۇل 2017 جىلعى باستى جارىستار الدىنداعى تەكسەرۋ دەسەك تە بولادى», - دەدى قىزدار قۇراماسىنىڭ باس باپكەرى ۆاديم پريسياجنيۋك. حالىقارالىق تۋرنيردە قازاقستان نامىسىن قورعايتىن بوكسشى قىزدار: 48 كەلى - الينا تۇرلىباەۆا مەن الۋا بالقىبەكوۆا, 51 كەلى - جاينا شەكەربەكوۆا, 54 كەلى  دينا جولامان, 60 كەلى - ايجان قوجابەكوۆا مەن نازىم يششانوۆا, 64 كگ  ءمادينا نۇرشاەۆا, 69 كەلى  ۆالەنتينا حالزوۆا, 75 كەلى - داريعا شاكىموۆا, 81 كەلى  ءمولدىر بازارباەۆا, 81  كەلىدەن جوعارى - ءلاززات كۇنگەيباەۆا.