سانچەس گولوۆكيننىڭ سالماق اۋىستىراتىنى تۋرالى ايتتى

WBA (Super), IBO, WBC جانە IBF نۇسقالارى بويىنشا الەم چەمپيونى گەننادي گولوۆكيننىڭ (36-0, 33 كو) جاتتىقتىرۋشىسى ابەل سانچەس ءوز شاكىرتىنىڭ سالماق دارەجەسىن اۋىستىراتىنى تۋرالى مالىمدەدى. بۇل تۋرالى vesti.kz حابارلادى. ونىڭ ايتۋىنشا GGG 168 فۋنتقا كوتەرىلۋى مۇمكىن. «گولوۆكين ۇلكەن جەكپە-جەكتەر وتكىزۋ ءۇشىن 168 فۋنتقا كوتەرىلىپ, قايتادان 160 فۋنتقا تۇسكەنى دۇرىس دەپ ويلايمىن. بىراق مەنىڭشە, ول ءبىر جارىم جىلدان كەيىن 168 فۋنتتا قالىپ, كىل مىقتىلارمەن ايقاسادى. بالكىم, ءۇش جىلدان كەيىن 168-175 فۋنت ارالاعىنا توقتاۋى مۇمكىن» دەدى سانچەس. «بۇل جەردە پروموۋتەرلەر مەن مەنەدجەرلەردىڭ پىكىرى ۇلكەن ءرول اتقارادى. ولاردىڭ ۇسىنىسىنا قاراپ, گولوۆكيننىڭ كارەراسىنا ءتيىمدى جاعىن تاڭدايتىن بولامىز. سونىمەن قاتار, بۇل سالماقتا تەك قانا ءسوز جۇزىندە ەمەس ءىس جۇزىندە دە كەلىسىمگە كەلىپ, ۇلكەن كەزدەسۋلەر وتكىزە الاتىنىمىز دا ماڭىزدى بولماق», – دەپ World Boxing News باسىلىمىنا سۇحبات بەردى. ايتا كەتەيىك, 18 ناۋرىزدا اقش-تىڭ نيۋ-يورك قالاسىندا قازاقستاندىق بىلعارى قولعاپ شەبەرى امەريكالىق دەنيەل دجەيكوبسپەن جۇدىرىقتاسادى.