اقساقالدار اقىلداستى

ءال-فارابي اتىنداعى قاز­ۇۋ-دىڭ اقساقالدار كە­ڭە­سى­نە زياتكەرلىك جانە ءبىل­ىم بەرۋ دەڭگەيىن ارتتىرۋعا ايرىق­شا ەڭ­بەك سىڭىرگەن, وقۋ ورنىنىڭ عىلىم, مادەنيەت جانە رۋحاني مۇمكىندىگىنىڭ دامۋىنا زور ۇلەس قوسقان تاجىريبەسى مول بە­دە­لدى عالىم­دار كىرىپ وتىر. وقۋ ورنىنداعى كەزەكتى باسقوسۋدا اقساقالدار كەڭەسى ءبى­­لىم مەن عىلىمي-زەرتتەۋ قىز­­مە­تىنىڭ جەتىلدىرۋ جولدارى جاي­ىندا حاباردار بولىپ, ينفرا­­قۇرىلىمدىق دامۋدىڭ ين­ۆەس­­تيتسيالىق جوبالارىمەن تانىستى. عىلىمعا ەڭبەك ءسىڭىر­گەن قايراتكەرلەر – قر ۇعا اكادەميكتەرى سۇلتان سارتاەۆ, ارىقباي اعىباەۆ, مەم­لە­كەت­تىك سىيلىقتىڭ لاۋرەاتى زۇلحايىر مانسۇروۆ, تاريح عى­لىم­دارىنىڭ دوكتورى ۋاحيت ءشال­ەكەنوۆ, قازكسر-ءىنىڭ ەڭبەك ءسىڭىر­گەن جاتتىقتىرۋشىسى اناتولي ارەششەنكو جانە تاعى باسقالار جا­عىمدى وزگەرىستەردى تىلگە تيەك ەتتى, ۋنيۆەرسيتەتتىڭ دامۋ سترا­تەگياسىن قولداپ, باتاسىن بەردى. اقساقالدار, اسىرەسە, QS رەيتينگىندە قازۇۋ-ءدىڭ الەمنىڭ ۇزدىك 200-توپ ۋنيۆەرسيتەتى قا­تارىنا ەنۋىن جوعارى باعالاپ, ۋني­ۆەرسيتەتتىڭ ورتالىق ازيا مەن تمد-داعى كوشباسشىلىق ور­نىن اتاپ ءوتتى. «ءال-فارابي اتىنداعى قاز­ۇۋ موي­ىن­دالعان حالىق­ارا­­لىق بەدەلگە يە, الەمنىڭ مىڭ­­داعان ۋني­ۆەر­سيتەتتەرى رەي­تينگىندەگى ونىڭ جوعارى كورسەتكىشى ەلىمىز ءۇشىن ۇلكەن جە­تىستىك بولىپ سانالادى. بۇل – مەملەكەت باسشىسى العا قوي­عان قازاقستاننىڭ الەمنىڭ ەڭ دامىعان 30 ەلى قاتارىنا ەنۋ ماقساتىن جۇزەگە اسىرۋعا ءجا­نە «ماڭگىلىك ەل» قۇرۋعا قوسقان ۋنيۆەرسيتەتتىڭ ناقتى ۇلەسى», – دەدى اكادەميك سۇلتان سارتاەۆ.