ەڭبەكتىڭ ورىندە, ونەردىڭ تورىندە

وبلىستىق حالىق شىعارماشىلىعى ءۇيىنىڭ 55 جىلدىعىنا ارنالعان «ەڭبەك پەن ونەر ەگىز» اتتى كاسىپورىندار مەن مەكەمەلەر كوركەمونەرپازدارىنىڭ ءداستۇرلى وبلىستىق بايقاۋى وتكىزىلدى. جىل سايىن بۇل بايقاۋدىڭ ماز­مۇنى وزگەرتىلىپ وتىرادى. بۇل جولعى بايقاۋ كاسىپ­ورىندار مەن مەكەمەلەر كور­كە­مونەر­پازدارىنىڭ اراسىندا ۇيىمداس­تىرىلدى. بايقاۋعا قاتىسۋعا 7 كاسىپ­ورىن مەن مەكەمەدەن ءوتىنىم تۇسكەن ەكەن. بايقاۋدىڭ شارتىنا ساي قاتىسۋشى كوماندا­لار 10 مينۋتتىڭ ىشىندە وزدەرىنىڭ باعدار­لاماسىن ۇسىندى. سونىمەن قاتار, بايقاۋ اياسىندا ارنايى كورمە ۇيىمداستىرىلدى. كورمەگە ەل تاريحى مەن مادە­نيەتى تاقىرىبىندا ءارتۇر­لى قاعازدان, اعاشتان جا­سالعان بۇيىمدار, كيىزدەن تىگىلگەن, ويۋمەن ورنەكتەلگەن ۇلتتىق كيىمدەر جانە باسقا تۋىن­دىلار قويىلدى. بۇل كورمە كوپشىلىك كوڭىلىنەن شىعىپ, كەلۋشىلەردى ۇلتتىق قولونەرىمىزبەن تانىس­تىردى. بايقاۋدا كوماندالار كورەرمەندەر مەن قازىلار القاسىنا مۋزىكالىق جانە شىعارماشىلىق كومپو­زيتسيا­­لارىن ۇسىندى. جارقىناي كۇزەمباەۆا جەتەكشىلىك ەتە­تىن مارتوك اۋداندىق وقۋشىلار ءۇيى ءبىرىنشى ورىندى جەڭىپ الدى. بايعانين اۋدانىنىڭ «اقبۇلاق» كو­مانداسى ەكىنشى ورىندى يەلەندى. جەتەكشىسى – جادىرا ەرمەكباي.ءۇشىنشى ورىن باعدات قۇسايىنوۆا باستاپ شىققان ويىل اۋدا­نىنىڭ «بالدىرعان» بالا­باق­شاسىنىڭ كومانداسىنا بۇيىردى. بايقاۋ جەڭىم­پازدارى مەن قاتىسۋشى ەڭ­بەك ۇجىمدارىنا ديپلومدار مەن اقشالاي سىيلىقتار تاپسىرىلدى. ساتىبالدى ءساۋىرباي, «ەگەمەن قازاقستان» اقتوبە