قۇرمەتتى وتانداستار!
قازاقستان حالقى اسسامبلەياسى ەلىمىزدىڭ پراۆوسلاۆيە ءدىنىن ۇستانۋشى ازاماتتارىن جانە بارلىق قازاقستاندىقتاردى جارقىن مەرەكە – روجدەستۆومەن قۇتتىقتايدى! روجدەستۆو مەرەكەسى ءبىزدىڭ قازاقستاندىق رۋحاني قۇندىلىقتارىمىزدىڭ باعاسىن اسىرىپ, ولاردان ءنار الۋعا باستايدى. رۋحاني بايلىق ءار كەزدە دە قازاقستان حالقىنىڭ بىرلىگىن نىعايتىپ, قۋات بەرىپ, ءار ازاماتتى يگىلىكتى ىستەرگە, جەڭىستەر مەن جاسامپاز ەڭبەككە باستاعان. روجدەستۆو, قازاقستاندىقتاردىڭ ءدىني نەمەسە ەتنوستىق شىعۋ تەگىنە قاراماستان, بارشاعا تۇسىنىكتى مەرەكە. بۇل ەلىمىزدى مەكەن ەتكەن كونفەسسيالار مەن ەتنوستار اراسىنداعى دوستىق پەن ءوزارا سىيلاستىقتىڭ ايقىن كورىنىسى. بۇل – قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ قوعامدىق كەلىسىم مەن جالپىۇلتتىق بىرلىك ۇلگىسىنىڭ جۇزەگە اسىرىلۋىنىڭ ناتيجەسى.قىمباتتى جەرلەستەر!
روجدەستۆو مەرەكەسى سىزدەر جانە وتباسىلارىڭىز ءۇشىن سىيلاستىقتىڭ, سۇيىسپەنشىلىك پەن ءوزارا تۇسىنىستىكتىڭ مەرەكەسىنە اينالسىن! اق نيەتتى اسىل ارماندارىڭىز ورىندالسىن. سىزدەرگە مىقتى دەنساۋلىق, تابىس پەن بەرەكە, تاتۋلىق پەن مەيىرىمدىلىك تىلەيمىز!
