كوكشەتاۋ قۇرىلىس الاڭىنا اينالا ما؟

ءسىز نە دەيسىز؟ بيىلعى جولداۋدا تۇر­عىن ءۇي ماسەلەسىنە اي­رىق­شا نازار اۋدارىلدى.  مىندەت – ەلىمىزدە جىل سايىن كەمىندە 6 ميلليون شارشى مەتر ءۇي سالۋ. بۇل با­عىت­تا كوكشە­تاۋ­دا دا قوز­عالىس بار. ءبىر­اق, كەزەك ازاي­ماي تۇر. مۇن­دا جاس­تاردىڭ ۇلەسى كوپ. ءۇستى­مىزدەگى مەرەكەلى جىلى جۇرت كۇتكەندەگىدەي سىلكىنىس بولا ما؟ «ەگەمەن قازاقستاننىڭ» اقمولا وبلىسى بويىنشا ءتىلشىسى باقبەرگەن امالبەك كوكشەتاۋ قالاسىنىڭ اكىمى مۇناربەك باتىرحانوۆقا: – ءسىز بۇعان نە دەيسىز؟ – قالاي دەسەك تە, قالا وڭ وزگەرىستەر قۇشاعىندا. بيىل «جاس وتاۋ» قاناتقاقتى باع­دارلاماسىن باستادىق. بۇل جوبا جاس وتباسىلار مەن وب­لىس ورتالىعىنا كوشىپ كەلگەن جاس مامانداردى تۇر­عىن ءۇي­مەن قامتاماسىز ەتۋدى كوز­دەي­دى. ماسەلەن, وبلىستىق بيۋد­جەتتىڭ قارجىسىمەن «كوك­تەم» شاعىن اۋدانىندا سالىناتىن 45 پاتەرلى (3,5 مىڭ ش.م.) ۇيگە قونىستانۋدا 29 جاستاعى ازاماتتار مەن تولىق ەمەس جانە كوپبالالى وتباسى­لا­رى­نا ار­تىقشىلىق بەرىلەدى. بۇعان قوسىمشا, ءبىرىنشى جار­تىجىلدىقتا تۇرعىن ءۇي باعدارلاماسى اياسىندا ءۇش 45 پاتەرلى ءۇي (10,5 مىڭ ش.م.) پايدالانۋعا بەرىلەدى. ءبىر شار­شى مەتردىڭ قۇنى, بۇرىن­عىسىنشا, 56515 تەڭگەنى قۇ­رايدى. رەتى كەلگەندە ايتا كەتەيىن, بۇرناعى جىلدارى وسى باعدارلامامەن 19 تۇرعىن ءۇي سالىندى. وتكەن جىلى 31 مەملەكەتتىك قىزمەتكەر, 73 جاس وتباسى, بيۋدجەتتىك سالا­نىڭ 25 وكىلى مەن مەملەكەتتىك كاسىپ­ورىنداردىڭ 31 قىزمەت­كەرى پاتەرگە يە بولدى. ءۇمىت­كەر­لەرگە قويىلاتىن تالاپ پەن مولدىرلىك قاتاڭ باقى­لانادى. قىلشاقتى وزەنىنىڭ اۋما­عىندا «تۇرعىنۇيقۇرى­لىسجي­ناق­­بان­كى» جەلىسىمەن 30 پاتەرلى ءتورت تۇرعىن ءۇي سالۋ جوس­پار­لانعان. مۇنداعى ءبىر بولمەلى پاتەردىڭ اۋماعى –  39, ال ءۇش بولمەلى پاتەر 74 شارشى مەتردى قۇ­راپ, ءار شار­شى مەتردىڭ قۇنى 80 مىڭ تەڭگە بولادى. بانكتىڭ قالامىزداعى سالىم­شى­لارى 7000 ادامعا جەتىپ قالدى. بۇل الداعى كەزدە وسى جۇيەدەگى قۇ­رىلىستى كەڭەيتۋگە مۇمكىندىك بەرمەك. تۇرعىن ءۇيدى جالعا بەرۋ ماسەلەسىنە كەلسەك, بۇگىنگى كۇنى قالادا 4000 ادام كەزەكتە تۇر. الداعى جاقىن ۋا­قىتتا 45 پاتەرلى ءۇي پايدا­لانۋعا بەرىلمەك. ارينە, بۇل جەتكىلىكسىز. قالالىق اكىمدىك قازىرگى تاڭدا اتالعان ادىسپەن قۇرى­لىس سالۋعا قاجەتتى قار­جى كوزدەرىن پىسىقتاۋ ۇستىندە. جالپى, ۇستىمىزدەگى جىلى 70 مىڭ شارشى مەتر تۇرعىن ءۇيدى پايدالانۋعا بەرۋ نيەتىندەمىز. بۇل بىلتىرعى كورسەت­كىشتەن 1,2 ەسە كوپ. اقمولا وبلىسى.