25 جىلدا 2 ملن. جۇمىس ورنى اشىلدى

قازاقستاندا تاۋەلسىزدىك جىلدارى ارالىعىندا 2 ملن-عا جۋىق جاڭا جۇمىس ورنى قۇرىلدى. كاسىپكەرلىكتى دامىتۋعا ءتيىستى جاعداي جاسالدى. ناتيجەسىندە تاۋەلسىزدىك جىلدارى مەملەكەت بيۋدجەتى 1 100 ەسەگە ءوستى. جالپى ىشكى ءونىمنىڭ ۇلەسى 1,5 ەسە ۇلعايدى. بارلىق قولعا الىنعان شارالار حالىقتىڭ ءال-اۋقاتىن جاقسارتۋعا باعىتتالدى. بۇل تۋرالى قر پارلامەنتى پالاتالارىنىڭ بىرلەسكەن وتىرىسىندا ءماجىلىس دەپۋتاتى نۇرتاي سابيليانوۆ مالىمدەدى, دەپ حابارلايدى Baq.kz. «ۇلتىمىز ءۇشىن تاۋەلسىزدىك – اسىل قازىنامىز. تۇتاس ءبىر حالىقتىڭ تاعدىرى سىنالعان شەشۋشى ساتتە قر تۇڭعىش پرەزيدەنتى نۇرسۇلتان نازارباەۆ ەل تىزگىنىن قولىنا الدى. ول تاۋەلسىزدىكتىڭ تۋىن تىگىپ, تار جولدا كىدىرمەي, تايعاقتا سۇرىنبەي, جول باستادى. ەل مۇددەسىن مۇرات ەتكەن ەلباسىمىزدىڭ ەڭبەگىنىڭ ارقاسىندا جارقىراي كەلگەن جاس مەملەكەت العا قادام باستى», - دەدى ول. سونىمەن قاتار, نۇرتاي سابيليانوۆ تاۋەلسىزدىك جىلدارى جۇرگىزىلگەن قارجى رەفورمالارىنا توقتالدى. «ناقتى جۇيەگە بەت بۇرىپ, جەكەشەلەندىرۋ جۇرگىزىلدى. ينۆەستيتسيا تارتىلىپ, شەتەلمەن ءوزارا ساۋدا قاتىناسى جولعا قويىلدى. ءتول تەڭگەمىز قولدانىسقا ەنگىزىلىپ, دەربەس قارجى جۇيەسى قۇرىلدى. جۇمىس ىستەۋگە قولايلى جاعداي جاسالىپ, جەكە كاسىپكەرلىك قارقىندى دامىدى. بۇل تاۋەلسىز ەلىمىز ءۇشىن بۇرىن-سوڭدى بولماعان ءوز ناتيجەسىن بەردى. وعان دالەل تاۋەلسىزدىك جىلدارى مەملەكەت بيۋدجەتى 1 100 ەسەگە ءوستى. جالپى ىشكى ءونىمنىڭ ۇلەسى 1,5 ەسەگە ۇلعايدى», - دەدى دەپۋتات. سونداي-اق, حالىق قالاۋلىسى بۇل وزگەرىستەردىڭ ۇلتتىق ەكونوميكاعا وڭ اسەر ەتكەندىگىن اتاپ ءوتتى. «مەملەكەت باسشىسىنىڭ ۇلتتىق قوردى قۇرۋى ەل ەكونوميكاسىنىڭ ەڭسەسىن تىكتەپ, حالىقتىڭ ءال-اۋقاتىن جاقسارتۋعا باعىتتالدى. جالاقى جىل سايىن ەسەلەنىپ, 2 ملن-عا جۋىق جۇمىس ورنى اشىلدى. ينفراقۇرىلىم قايتا قالپىنا كەلتىرىلىپ, دامىپ, ەل يگىلىگىنە جاراتىلدى», - دەدى ول. ءسوز سوڭىندا نۇرتاي سابيليانوۆ ەلىمىزدىڭ دامىعان مەملەكەتتەردىڭ قاتارىنا قوسىلۋ ءۇشىن ماڭىزدى جوبالاردى قولعا العاندىعىن ايتتى. ايتا كەتەيىك, بۇگىن قر پارلامەنتى پالاتالارىنىڭ بىرلەسكەن وتىرىسىندا تاۋەلسىزدىك دەكلاراتسياسى قابىلداندى.