كونفەدەراتسيا كۋبوگىنا قاتىساتىن دزيۋدوشىلار انىقتالدى

2016 جىلدىڭ 3-4 جەلتوقسان كۇندەرى الماتى قالاسىندا «بالۋان شولاق» سپورت كەشەنىندە سپورتتىق جەكپە-جەك جانە كۇش قولداناتىن سپورت تۇرلەرى كونفەدەراتسياسى كۋبوگى (بۇدان ءارى – كونفەدەراتسيا كۋبوگى – اۆت.) بولادى. بۇل تۋرالى قازاقستاننىڭ دزيۋدو فەدەراتسياسى حابارلادى. تۇڭعىش رەت بوكس, كۇرەس, دزيۋدو جانە تاەكۆوندو (WTF) سپورتىنان بىرلەسكەن كوماندالىق جارىستىڭ جالپى جۇلدە قورى - 125 ملن. تەڭگە. كونفەدەراتسيا كۋبوگى ءۇشىن قاتىسۋشىلار جەرەبە ارقىلى ءتورت توپقا بولىنگەن. ءار توپتا 4 وبلىستىڭ سپورتشىلارى فينالدىق باسەكە ءۇشىن بارىن سالدى. «ا»  توبىندا قىزىلوردا وبلىسى مەن الماتى وبلىسى, سونىمەن قاتار استانا جانە الماتى قالاسىنىڭ دزيۋدوشىلارى اقتىق جولداما ءۇشىن بەلدەستى. ناتيجەسىندە دزيۋدودان قىزىلوردا وبلىسىنىڭ سپورتشىلارى مىقتىلىعىن دالەلدەپ, توپتان سۋىرىلىپ شىقتى. شقو,  بقو, سقو جانە اقمولا وبلىسىنىڭ دزيۋدوشىلارى «ۆ» توبىنان بەرىلەتىن  جولداماعا تالاسىپ, ناتيجەسىندە بۇل توپتان شقو-نىڭ سپورتشىلارى ۇزدىك دەپ تانىلىپ, الماتىدا وتەتىن جارىستىڭ جارتىلاي فينالىنا جولداما الدى. ريو وليمپياداسىنىڭ قاتىسۋشىلارى ديدار حامزا مەن جانساي سماعۇلوۆ تا باستى باسەكەدەن تىس قالعان جوق. جەرەبە بويىنشا ەكى وبلىس سپورتشىلارى, اتاپ ايتقاندا, قاراعاندى وبلىسى مەن وقو  سپورتشىلارى ءبىر توپقا تۇسكەن. سونداي-اق, بۇل توپتا پاۆلودار وبلىسى مەن قوستاناي وبلىسىنىڭ دزيۋدوشىلارى دا بار. ءتورت وبلىس ىشىنەن قاراعاندىنىڭ سپورتشىلارى قىراعىلىق تانىتىپ, كونفەدەراتسيا كۋبوگىنىڭ جارتىلاي فينالىندا بەلدەسەتىن بولدى. ماڭعىستاۋدىڭ دزيۋدوشىلارى, اقتوبە وبلىسى, اتىراۋ وبلىسى جانە  جامبىل وبلىسىنىڭ  سپورتشىلارى «D» توبىندا كۇش سىناستى. بۇل توپتان ىرىكتەۋ كەزەڭىنەن ىركىلمەي شىققاندار - جامبىل وبلىسىنىڭ جۇيرىكتەرى.