قازاقستان جەتىستىكتەرىنىڭ دەكلاراتسياسى تانىستىرىلدى

بۇگىن  پارلامەنت پالاتالارىنىڭ بىرلەسكەن وتىرىسىندا «تاۋەلسىزدىكتىڭ 25 جىلدىعى قازاقستان جەتىستىكتەرىنىڭ دەكلاراتسياسى» جوباسى جاريا ەتىلدى. «قازاقستان رەسپۋبليكاسى تاۋەلسىزدىگىنىڭ 25 جىلدىعى دەكلاراتسياسى وتە ماڭىزدى تاريحي كەزەڭگە ارنالعان قۇجات. وسى ۋاقىتتىڭ ىشىندە بارلىق جەتىستىكتەر مەن تابىستار ەڭ الدىمەن, تۇڭعىش پرەزيدەنتىمىز, ەلباسىمىز نۇرسۇلتان ءابىش ۇلى نازارباەۆتىڭ ەرەن ەڭبەگىنىڭ جەمىسى. سونىمەن بىرگە ارقاشان دا پرەزيدەنتىمىزگە قولداۋ كورسەتىپ, تىرەك بولىپ كەلە جاتقان حالقىمىزدىڭ بەرەكە-بىرلىگىنىڭ ناتيجەسى. سوندىقتان پارلامەنتتە وسى تاريحي قۇجاتتى قاراستىرۋ - ول كەلە جاتقان تاۋەلسىزدىك مەرەيتويىنىڭ ەرەكشە ماڭىزدىلىعىن كورسەتەدى», دەدى قر پارلامەنتى ءماجىلىسىنىڭ توراعاسى نۇرلان نىعماتۋلين. اتالعان قۇجاتتىڭ جوباسىن ءماجىلىس دەپۋتاتى قۋانىش سۇلتانوۆ تانىستىردى. بىرلەسكەن وتىرىسقا پرەمەر-مينيستر باقىتجان ساعىنتاەۆ, قر مەملەكەتتىك حاتشىسى گۇلشارا ابدىقالىقوۆا, قر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ, سونداي-اق كونستيتۋتسيالىق كەڭەستىڭ, جوعارعى سوتتىڭ جانە ورتالىق سايلاۋ كوميسسياسىنىڭ توراعالارى, ۇكىمەت مۇشەلەرى, رەسپۋبليكا پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى, پارلامەنت پالاتالارى اپپاراتتارىنىڭ جاۋاپتى قىزمەتكەرلەرى قاتىستى. دينارا بىتىكوۆا, "ەگەمەن قازاقستان".