لوندوندا قر ينۆەستيتسيالار جانە دامۋ ۆيتسە-ءمينيسترى جانە «قازگەولوگيا» اق باسقارما توراعاسى عالىم نۇرجانوۆ الەمدەگى ءىرى شۆەيتساريالىق Glencore كومپانياسىنىڭ اكتسيونەرى, سونداي-اق «Kazzinc Holdings» جشس ديرەكتورلار كەڭەسىنىڭ توراعاسى نيكولا پوپوۆيچپەن كەزدەستى. «قازگەولوگيا» اق ءباسپاسوز قىزمەتىنىڭ حابارلاۋىنشا, تاراپتار بىرلەسكەن جوبالاردى ىسكە اسىرۋ بويىنشا جوسپارلاردى تالقىلاپ, ورتاق مامىلەگە كەلدى.
اتاپ ايتقاندا Glencore «قازتسينك» جشس ارقىلى 5 بولجالدى ۋچاسكەدە گەولوگيالىق بارلاۋ جۇرگىزۋدى قارجىلاندىرۋعا ءازىر. ولار قازاقستانداعى وندىرىستىك كومپانيالارى بار شاعىن قالالارعا جاقىن ورنالاسقان. 2017 جىلدان باستاپ كومپانيا اتالعان ۋچاسكەلەردە بىرلەسكەن گەولوگيالىق بارلاۋدى باستاۋعا ءازىر. باستاپقى كەزەڭدە ينۆەستيتسيا كولەمى كەمىندە 10 ملن اقش دوللارى بولادى.
«قازگەولوگيا» اق باسشىلىعى Rio Tinto-نىڭ افريكا-ەۋرازيا وڭىرىندەگى گەولوگيالىق بارلاۋ وپەراتسيالارى ديرەكتورى كەن تەنتونمەن كەزدەستى. كەزدەسۋدە قاراعاندى وبلىسىنداعى جۇزەگە اسىرىلىپ جاتقان 2 جوبا بويىنشا ەكىجاقتى ىنتىماقتاستىقتىڭ وزەكتى ماسەلەلەرى تالقىلاندى. سونداي-اق الداعى جىلى قازاقستاندىق كادرلاردى وقىتۋ جانە وسى سالاعا يننوۆاتسيالىق تەحنولوگيالاردى ترانسفەرتتەۋ جايى دا قاراستىرىلدى.
