اقمولا وبلىسىندا قانشا م ۇلىك زاڭداستىرىلدى؟

اقمولا وبلىسىندا جالپى اۋقىمى 12 ميلليارد تەڭگەنىڭ مۇلكى زاڭداستىرىلدى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگ بارىسىندا «قازاقستان رەسپۋبليكاسىنىڭ ۇلتتىق بانكى» اقمولا وبلىستىق فيليالىنىڭ ديرەكتورى بەكتۇرعان بوزتەريەۆ ءمالىم ەتتى, دەپ حابارلايدى «قازاقپارات». وبلىستاعى م ۇلىكتى زاڭداستىرۋ جۇمىستارىنىڭ بارىسى تۋرالى وتكەن بريفينگكە «قازاقستان رەسپۋبليكاسىنىڭ ۇلتتىق بانكى» اقمولا فيليالىنىڭ ديرەكتورى بەكتۇرعان بوزتەريەۆ, وبلىستىق مەملەكەتتىك كىرىستەر دەپارتامەنتىنىڭ باسقارما باسشىسى نازگۇل ايۋپوۆا مەن تەرگەۋشى-مامانى اسەت تانيەۆ جانە م ۇلىكتى جاريا ەتۋ جونىندەگى كوميسسيانىڭ حاتشىسى اسەل اقىشەۆا قاتىستى. ۇلتتىق بانك فيليالى ديرەكتورىنىڭ ايتۋىنشا, وبلىس اۋماعىندا م ۇلىكتى زاڭداستىرۋ جۇمىستارى ويداعىداي جۇرگىزىلۋدە. «بۇگىنگى كۇنگە دەيىن وبلىسىمىزدا م ۇلىك پەن اقشانى زاڭداستىرۋعا بايلانىستى 2579 ءوتىنىش ءتۇستى. جىلجىمايتىن م ۇلىككە قاتىستى 4812 نىساندى زاڭداستىرۋ تۋرالى ءوتىنىش قابىلدانسا, ولاردىڭ 1733-ءى تۇرعىن ۇيگە بايلانىستى. قۇجاتتارى دۇرىس بولماعان جانە زاڭ تالاپتارىنا ساي ەمەستىكتەن, كوميسسيا 448 ءوتىنىشتى قاراۋدان باس تارتتى. اكىمدىك جەلىسى بويىنشا وسى كۇنگە دەيىن جالپى اۋقىمى 12 ميلليارد تەڭگەنىڭ مۇلكى زاڭداستىرىلدى. وعان قوسا, 495,9 ميلليون تەڭگە اقشا زاڭداستىرىلعان», دەپ اتاپ ءوتتى وبلىستىڭ باس بانكيرى. سونىمەن قاتار, بريفينگ بارىسىندا مەملەكەتتىك كىرىستەر دەپارتامەنتى باسقارماسىنىڭ باسشىسى نازگۇل ايۋپوۆانىڭ م ۇلىك پەن اقشانى زاڭداستىرۋدىڭ شارتتارى تۋرالى بايانداماسى دا تىڭدالدى.