جامبىلدا وبلىستىق سوتتىڭ CALL ورتالىعى اشىلدى

وبلىس سوتتارى مەن تۇرعىندارىنىڭ اراسىندا ءوزارا بايلانىسىنىڭ تيىمدىلىگىن ارتتىرۋ ماقساتىندا جامبىل وبلىستىق سوتىندا CALL ورتالىعى ءوز جۇمىسىن باستادى, دەپ حابارلايدى قازاقپارات. بايلانىس ورتالىعى سوت ءىسىن جۇرگىزۋ ماسەلەلەرى بويىنشا تۇرعىنداردى جەدەل اقپاراتتاندىرۋ ماقساتىندا قۇرىلدى. ورتالىق تەلەفونىنا 8 (7262) 999140 جۇمىس ۋاقىتىندا حابارلاسۋعا بولادى. بايلانىس ورتالىعىنىڭ ارقاسىندا ازاماتتار مەن زاڭدى تۇلعالاردىڭ وكىلدەرى سوتتاردىڭ جۇمىسى بويىنشا انىقتامالىق جانە سوت اكتىلەرىنە شاعىمدانۋ ءتارتىبى, ءىستى قاراۋ ناتيجەسى, ءىستى جانە سوت تىڭداۋىنىڭ قايتا قاراۋعا ءوتىنىش تۇسىرىلگەن كۇنى تۋرالى مالىمەتتەردى بىلە الادى, سونداي-اق باسقا دا قىزىقتىرعان سۇراقتارىن قويا الادى. سويلەسۋدى جانە كەرى بايلانىستى ورىنداۋ جاڭاشىلدىق ارقىلى اكىمشىلىك كەدەرگىلەردىڭ تومەندەۋىنە جۇمىس جاسايدى, سوت ورگاندارى قىزمەتىنىڭ باقىلاۋىن كۇشەيتۋ, حالىققا كومەك كورسەتۋدىڭ ساپاسىن جوعارىلاتادى. ورتالىق جۇمىسىنىڭ ماقساتى - وبلىستىڭ سوت جۇيەسىنىڭ جۇمىسى جايىندا حالىقتى اقپاراتتاندىرۋدى كوتەرۋ. بۇل رەتتە, كەرى بايلانىسۋ مۇمكىندىگىنە يە بولۋ ءۇشىن قوڭىراۋ شالۋشىنىڭ بايلانىس ءنومىرىن قالدىرۋ سۇرالادى. بۇل قاجەت بولعان جاعدايدا تۇرعىنمەن بايلانىسۋعا جانە ەڭ قىسقا مەرزىمدە بارلىق تۋىنداعان سۇراقتاردى جويۋعا كومەكتەسەدى. ۆەدومستۆونىڭ ءباسپاسوز قىزمەتىنىڭ حابارلاۋىنشا,  جۇمىس ۋاقىتى بارىسىندا توقتاۋسىز جامبىل وبلىستىق سوتىنىڭ سەنىم تەلەفونى 8 (7262) 999-182, 999-105 جۇمىس جاساپ تۇر.