«كونترافاكت» جەدەل-پروفيلاكتيكالىق ءىس-شاراسى ءوتتى

رەسپۋبليكا اۋماعىندا اقپاراتتاندىرۋ سالاسىندا قىلمىستىق قۇقىق بۇزۋشىلىقتى انىقتاۋعا, جولىن كەسۋگە جانە اشۋعا, سونىمەن قاتار, ەركىن ساۋداعا تىيىم سالىنعان ونىمدەردى زاڭسىز دايىندايتىن, باسىپ شىعاراتىن جانە تاراتاتىن ادامداردى انىقتاۋعا باعىتتالعان «كونترافاكت» جەدەل-پروفيلاكتيكالىق ءىس-شاراسى (بۇدان ءارى-ءجاىش) وتكىزىلدى, دەپ حابارلايدى قر ءىىم ءباسپاسوز قىزمەتى.  ءجاىش-ءدى جۇرگىزۋ بارىسىندا 248 قۇقىق بۇزۋشىلىق انىقتالدى. ونىڭ ىشىندە 194 فاكت بويىنشا اۆتورلىق قۇقىق بۇزۋشىلىق, 3 فاكتى اقپاراتتى قۇقىققا سىيىمسىز يەلەنىپ الۋ, 1 فاكتى قۇرىلعىنىڭ IMEI-كودىن وزگەرتۋ انىقتالدى. بۇدان باسقا اقپاراتتىق تەحنولوگيانى قولدانۋ ارقىلى 2 ۇلىق جانە ينتەرنەت-تۇتىنۋشىعا قاتىستى 6 الاياقتىق تىركەلگەن. ەركىن ساۋدا اينالىمىنداعى 19,8 مىڭ دانا تىيىم سالىنعان ونىمدەر تاركىلەندى. ونىڭ ىشىندە 19,5 مىڭ كونترافاكتىلىك CD-DVD ديسكىلەر, 240 ليتسەنزياسى جوق باعدارلامالىق جاساقتاما جيناقتاعىشتار, 7 ارنايى تەحنيكالىق قۇرال جانە 166 دانا باسقا كونترافاكتىلىك ونىمدەر. ماسەلەن, استانا قالاسىندا ساۋدا ۇيلەرىنىڭ بىرىندە كونترافاكتىلىك اۋديو-بەينە ونىمدەردى دايىندايتىن جانە تاراتاتىن تسەح تابىلدى. كومپيۋتەرلىك تەحنيكا, DVD ديسكىلەر جانە USB-جيناقتاعىشتار تاركىلەندى. قاراعاندى قالاسىندا ارنايى تەحنيكالىق قۇرالداردى تاراتۋ فاكتىسى انىقتالدى. دالىرەك ايتساق, جاسىرىن پايدالانۋ ءۇشىن اۋديو-بەينە كامەراسى ورناتىلعان قالام.