شىمكەنت اكىمى جۇمىس ساپارىمەن لوندونعا باردى

شىمكەنت قالاسىنىڭ اكىمى عابيدوللا ءابدىراxىموۆ ۇلىبريتانيا استاناسى لوندون قالاسىنا جۇمىس ساپارىمەن بارىپ, وندا ەكى ەل اراسىنداعى ۇكىمەتارالىق كوميسسيا وتىرىسىنا قاتىستى, دەپ حابارلايدى وقو اكىمىنىڭ ءباسپاسوز قىزمەتى. سونداي-اق, لوندوندىق تاكسي قىزمەتىنىڭ باسشىسىمەن كەزدەسۋ وتكىزدى. ساپار اياسىندا xالىقارالىق «AECOM» كومپانياسىنىڭ اتقارۋشى ديرەكتورى پاتريك فلاەرتيمەن كەزدەسىپ, «شىمكەنت سيتي» جوباسىن تانىستىردى. ءوز كەزەگىندە بريتاندىق كومپانيا باسشىسى بۇل جوباعا زور قىزىعۋشىلىق تانىتتى. ەستەرىڭىزگە سالار بولساق, وسى جىلدىڭ جاز ايىندا «AECOM» كومپانياسىنىڭ وكىلدەرى شىمكەنت قالاسىنا كەلگەن بولاتىن. سول ساپار بارىسىندا اتالعان كومپانيانىڭ ايماقتاعى ديرەكتورى مارينا كونستانيان مەن قالا اكىمى وبلىس ورتالىعىنا ينۆەستيتسيا تارتۋ ماسەلەلەرى بويىنشا ءوزارا ىنتىماقتاستىق تۋرالى مەموراندۋمعا قول قويعان بولاتىن. «اەسوم» - ساۋلەت جانە قۇرىلىس سالاسىنداعى, سونىمەن قاتار قالالاردى دامىتۋ بويىنشا جوبالاردى جۇزەگە اسىرۋعا ماماندانعان حالىقارالىق كومپانيا. قازىرگى تاڭدا كومپانيا اقش-تىڭ ءىرى كورپوراتسيالارىنىڭ Fortune-500 رەيتينگىندە 156 ورىنعا يە. «اەسوم» جۇزەگە اسىرعان ءىرى جوبالاردىڭ قاتارىندا دۇنيەجۇزىلىك ساۋدا ورتالىعى, ءابۋ-ءدابيدىڭ, گونكونگتىڭ, لوس-اندجەلەستىڭ اۋەجايلاردى, ماسكەۋدەگى «موسكۆا-City» جوباسىن اتاپ وتۋگە بولادى. ايتا كەتەيىك, قازاقستان – «اەسوم» كومپانياسىنىڭ جۇمىس ىستەپ وتىرعان مەملەكەتتەر ىشىندەگى العاشقى دامۋشى ەل بولىپ تابىلادى.