ادىلەت ءمينيسترى مارات بەكەتاەۆتىڭ ايتۋىنشا, بۇگىنگى ۇكىمەت وتىرىسىندا قارالعان زياتكەرلىك مەنشىك سالاسىنداعى زاڭ جوباسىندا تاۋار بەلگىسىن زاڭسىز قولدانعانىنا بايلانىستى وتەماقى الۋ ءۇشىن قۇقىق يەلەرىنىڭ قۇقىقتارىن قامتاماسىز ەتۋگە ارنالعان نورمالار قارالعان.
اۆتورلىق قۇقىق تۋرالى زاڭدا اۆتورلىق تۋىندىنى زاڭسىز قولدانعانىنا بايلانىستى قۇقىق بۇزۋشىدان وتەماقى الۋدا اۆتور قۇقىعى قارالعان. سپيكەردىڭ ايتۋىنشا, تاۋار بەلگىسىنىڭ يەسى مۇنداي قۇقىققا يە بولا المايدى. وسىعان بايلانىستى, ازاماتتىق كودەكسكە قۇقىق بۇزۋشىدان كەلتىرىلگەن شىعىننىڭ ورنىنا سوت بەكىتكەن 500-10 000 اەك كولەمىندە نەمەسە زاڭسىز تاۋار بەلگىسى ورناتىلعان تاۋاردىڭ قۇنىنان ەكى ەسە وتەماقى تالاپ ەتۋ جونىندە تاۋار بەلگىسى يەسىنىڭ قۇقىعى تۋرالى تولىقتىرۋلار ەنگىزىلەدى.
ايتا كەتەيىك, «زياتكەرلىك مەنشىك سالاسىنداعى زاڭنامانى جەتىلدىرۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى زياتكەرلىك مەنشىك سالاسىنداعى اكىمشىلىك كەدەرگىلەردى ازايتۋعا باعىتتالعان.
ايان ءابدۋالي,
"ەگەمەن قازاقستان".
