ءى.وماروۆ اتىنداعى قوستاناي قازاق دراما تەاترى كورەرمەندەرگە ءا.نۇرشايىقوۆتىڭ «ماحاببات, قىزىق مول جىلدار» رومانىنىڭ جەلىسى بويىنشا قويىلعان سپەكتاكلدى ۇسىندى. رومان جەلىسى سوناۋ سوعىستان كەيىنگى جىلداردىڭ وقيعاسى بولسا دا, جاستىق, رومانتيكا, ماحاببات تاقىرىبى قاي ۋاقىتتا دا وزەكتى. ويتكەنى اق پەن قارانىڭ, ادالدىق پەن ارامدىقتىڭ, سۇلۋلىق پەن دورەكىلىكتىڭ قايشىلىعى ءومىردىڭ بىتىسپەس كۇرەسى. سپەكتاكلدە سوعىستان امان قايتقان ەربول مەن ادال دا, سۇلۋ, سەزىمى دە ءوزى سەكىلدى مولدىرەگەن مەڭتايدىڭ اراسىنداعى ماحاببات ارقىلى جازۋشى ماڭگى جاستىقتى جىرلايدى.
سپەكتاكلدى ت.جۇرگەنوۆ اتىنداعى ونەر اكادەمياسىنان ەندى تۇلەپ ۇشقان جاس رەجيسسەر دوس مۇقاش ساحنالادى. مەڭتايدىڭ ءرولىن جىبەك ۇسەنوۆا, ەربولدى تولەندى العوجين سومدادى.
سپەكتاكلدە تەاتر ەسىگىن بيىل عانا اشقان جاس اكتەرلەر وينادى. ولاردىڭ بارلىعى دا كەيىپكەرلەرىن شىنايى شىعارۋىمەن كورەرمەندەردىڭ قوشەمەتىنە بولەندى.
ءنازيرا جارىمبەتوۆا,
"ەگەمەن قازاقستان".
قوستاناي
