ورنىقتى دامۋ ماقساتتارى

 پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتورايىمى داريعا نازارباەۆا بۇۇ-نىڭ رەزيدەنت-ۇيلەستىرۋشىسى – بۇۇ دامۋ باعدارلاماسىنىڭ (بۇۇدب) قازاقستانداعى تۇراقتى وكىلى نوريماسا شيمومۋرامەن كەزدەستى. قازاقستان بىرىككەن ۇلتتار ۇيىمىنىڭ ماق­ساتتارى مەن مىندەتتەرىن ۇستانادى, سونداي-اق ان­تونيو گۋتەرريشتىڭ بۇۇ-نىڭ باس حاتشىسى لاۋا­زىمىنا سايلانۋىن قۇپتايدى دەپ اتاپ ءوتتى سەناتور. جۇزدەسۋشىلەر بىرىككەن ۇلتتار ۇيىمىنىڭ ورنىقتى دامۋ ماقساتتارىنىڭ تۇساۋكەسەرىنە دايىندىق ماسەلەلەرىن تالقىلادى. ءىس-شارا 22 قاراشادا سەناتتا وتەدى. دەپۋتات كەڭ اۋقىمدى ەلدىك باعدارلامانى ىسكە اسىرۋعا پارلامەنتشىلەردىڭ نازارىن اۋدارۋدا بۇل شارانىڭ وزەكتى ەكەنىن اتاپ ءوتتى. د.نازارباەۆا ن.شيمومۋرانى «100 ناقتى قا­دام» ۇلت جوسپارىنىڭ نەگىزگى اسپەكتىلەرى تۋرا­لى حاباردار ەتتى جانە وسى باعدارلامانىڭ تابىس­تى جۇزەگە اسىرىلۋى بىرىككەن ۇلتتار ۇيى­مى­نىڭ ورنىقتى دامۋ ماقساتتارىنا قول جەتكىزۋ ءۇشىن ۇلتتىق رەسۋرستاردى جۇمىلدىرۋعا ىقپال ەتە­تى­نىنە سەنىم ءبىلدىردى, دەپ حابارلادى قازاقستان رەس­پۋبليكاسى پارلامەنتى سەناتىنىڭ ءباسپاسوز قىز­مەتى.