ۇلتتىق قوردىڭ قولداۋى

وبلىس اكىمدىگىندە وتكەن جيىندا «نۇرلى جول», «جۇمىسپەن قامتۋدىڭ جول كارتاسى-2020» باعدارلامالارىن جۇزەگە اسىرۋ ماسەلەلەرى تالقىلاندى. وبلىستىق قارجى باسقارماسىنىڭ باسشىسى التىن داۋلەتوۆانىڭ ايتۋىنشا, 2016 جىلى وڭىرگە ۇلتتىق قوردان 24 ميل­ليارد تەڭگەدەن استام قارجى بولىنگەن. – «نۇرلى جول» باعدارلاماسى بو­يىنشا 65 جوبانى جۇزەگە اسىرۋ ءۇشىن 18 ميلليارد تەڭگە ءبولىندى, سونىڭ ىشىندە ءبىلىم سالاسىنىڭ الەۋمەتتىك ينفراقۇرىلىمىن دامىتۋ اياسىندا 10 نىساننىڭ قۇرىلى­سىن سالۋ جوسپارلانىپ وتىر. «نۇر اقتوبە» شاعىن اۋدانىنداعى 1200 ورىندىق, «زارەچنىي-3» اۋىلىنداعى 600 ورىن­دىق, كىرپىشتى اۋىلىنداعى 320 ورىندىق ورتا مەكتەپتەر, قارعالى اۋىلىنداعى 320 ورىندىق بالاباقشا پايدالانۋعا بەرىلسە, مۇعالجار اۋدانىنىڭ قاندىاعاش قالاسىنداعى 600 ورىندىق, «باتىس-2» تۇرعىن ءۇي الابىنداعى 320 جانە 600 ورىندىق, نوكين اۋىلىنداعى 320 ورىن­دىق, سازدى اۋىلىنداعى 600 ورىندىق مەكتەپتەر كىرەتىن 5 نىساننىڭ قۇرىلىسى 2017 جىلى اياقتالماق. سونىمەن قاتار, «باتىس» شاعىن اۋدانىنداعى 320 ورىندىق بالاباقشانىڭ قۇرىلىسى جۇرگىزىلۋدە, – دەدى ول. سونداي-اق, قۇنى 8,6 ميلليارد تەڭگە تۇراتىن 39 جوبانى جۇزەگە اسىرۋ ين­جەنەر­لىك-كوممۋنيكاتسيالىق ينفرا­قۇرى­لىم­داردى دامىتىپ ورنالاستىرۋعا مۇمكىن­دىك بەرەدى دەپ كۇتىلۋدە. بۇدان باسقا, 4 ميل­ليارد تەڭگە جىلۋمەن, سۋمەن جابدىق­تاۋ جانە سۋ تارتۋ جۇيەلەرىن قالپىنا كەل­تىرۋ بويىنشا 13 جوباعا بولىنگەن. «جقجك-2020» باعدارلاماسى بويىن­شا وندىرىستىك ينفراقۇرىلىمداردى دامىتۋ اياسىندا جالپى قۇنى 2 ميل­ليارد تەڭگە بولاتىن 3 نىساننىڭ قۇرى­لىسى جوسپارلانعان. باعدارلامانى جۇزەگە اسىرۋعا 6 178,4 ميل­ليون تەڭگە ءبولىندى, بۇل قارجىعا ەڭبەك جاس­تارىنا ارنالعان جاتاقحانانىڭ قۇرى­لىسى باستالدى, 112 الەۋمەتتىك نىساننىڭ اعىمدىق جانە كۇردەلى جوندەۋ جۇمىستارى جۇرگىزىلۋدە. ساتىبالدى ءساۋىرباي, «ەگەمەن قازاقستان» اقتوبە