قۇمالاقشى

سولتۇستىك قازاقستان وبلىسىنا قاراستى ساۋمالكول اۋىلىنىڭ ورتالىعىنداعى ءدامحانانىڭ الدىندا قىسى-جازى ءوڭىن بەرمەيتىن, كونەتوز كۇرتەشەسىن كيىپ, بالشى وتىرار ەدى. سەنىم سەلكەۋ تارتقان زاماندا بالشىعا دا يلاناتىندار سەلدىرەگەن بە, ايتەۋىر, قاشان وتسەم دە «كليەنتتەرىن» شاقىرعان اششى داۋىسى قۇلاقتى جارىپ تۇراتىن. ودان ارىرەكتە بالا­باق­شا­­­نىڭ تۇسىنداعى جا­ياۋ ءجۇر­گىن­­­شىلەر وتەتىن جال­عىز­اياق سوق­­­­پاقتىڭ بويىندا كىر-كىر ورا­­­­­مالىن جايىپ قوي­ىپ, قۇ­ما­­­­­لاقشى اجەي 41 قۇ­ما­لاعىن تا­­­­­را­تادى. ەكى قولى قۇ­ما­­لاق­­­­تا­عى 41 تاستى ساپىرىپ جات­­­­­قان­دا, اۋزى دا سوزدەن بو­سا­ماي­دى. – قىرىق ءبىر قۇمالاعىم اق سويلە, اقيقاتىن ايت, – دەپ قويادى قۇمالاقشى اجەي. قۇيىسقانى بەرىك, ماڭ­­دايى اشىق, جول ءتۇسىپ تۇر ەكەن. كەشىكپەي كەلەدى, قارا­عىم, ءۇمىتىڭدى ۇزبە,–دەيدى الدىن­دا­عى جابىرقاۋ ءجۇزدى جاس انا­عا. تاعدىردان تاياق جەپ ءجۇر­­گەن­دەر از با. وزگەدەن سۇيە­نىش, جابىرقاۋ جانىن جادى­راتار ينە­نىڭ جاسۋىنداي ءۇمىت ساۋلەسىن كورمەگەننەن كەيىن جارا­تى­لىستىڭ جۇمباق قۇ­بى­لىستارىنا سەنەتىندەر دە تا­بىلادى. بىزگە دەيىن­گى, ءبىز كور­مەگەن كونە زاماندا شىن م­ا­نىندە جاراتۋشىنىڭ وزگەدەن ءبو­لەك جاراتقان ەرەكشە دا­رىن­عا يە, جالپى جۇرتتىڭ تۇسىنىك-ءتۇي­سى­گىنە جۇمباق تىلسىم سىر يەلەرى بولسا بولعان-اق شى­عار. كوزبەن كورىپ, قۇلاقپەن ەستى­مەگەننەن كەيىن الدە اڭىز, الدە اقيقات دۇنيەلەردىڭ تۇپكى شىنايىلىعى اركىمنىڭ قالاي قابىلداۋىنا بايلانىستى بولسا كەرەك-ءتى. – قارجى پيراميداسىنا اق­شا سالىپ ەدىم, قايتارامىن با؟–دەپ سۇرايدى ورتا جاستان اس­قان ءبىر ازامات. – قازىر, ق ۇلىنىم. قۇمالا­عىم­­دى تارتايىن. مەنىڭ قۇ­لا­عىما پەرىشتەلەر سىبىرلايدى. كىم ءبىلسىن. ءاۋ, باستا تا­ب­ي­عات تولايىم دارىن سىي­لا­­­عان ەرەكشە قابىلەت بولسا, بو­­لاتىن-اق شىعار. بىراق, بايا­عى­دا ءبىزدىڭ ەلدىڭ شالدارى پە­رىشتە كىر شالماعان, تا­زا جە­ردە عانا جۇرەدى. لاس, ءيىس-قو­­ڭىستان اۋلاق دەيتىن. قۇ­ما­­­لاقشى اجەمنىڭ الدىندا جات­قان كىر ورامالعا قاراپ تۇ­رىپ, ءدال وسى جەردە جۇرسە, پە­­رىش­تەلەر دە ءپاتۋاسىنان جا­­ڭى­لايىن دەگەن شىعار دەپ وي­­لادىم. سۋعا كەتكەن تال قار­­­­مايدى. قىرۋار قارجى­سىن الا­­­­ياق­تاردىڭ قولىنا ءوز اياق­تا­­­رىمەن اپارىپ بەرگەندەر ەندى ءلۇپ ەتكەن جەلمەن بىرگە شاي­­­­قالىپ وتىرعان كەيۋانادان كومەك سۇرايدى. شاماسى, باس­­­­قادان ءۇمىت ۇزىلگەن شىعار. ەگەر, قۇمالاقشى اجەي ءبا­رىن ءبىلىپ تۇرسا, اركىمنىڭ 5-10 تيىنىنا جانارىن جاسىتپاي, جيعان ازىن-اۋلاق قارجىسىن قىرىپ پايدا تابۋ ءۇشىن قارجى پيراميداسىنا الدىمەن ءوزى سالار ەدى عوي. بايقال ءبايادىلوۆ