قوناقجايلىق كادەسى

الماتىدا بۇرىن-سوڭدى بولماعان قالىڭ قار جاۋسا, جەكسەنبى كۇنى قالالىقتار مەملەكەتتىك ورتالىق مۋزەيگە قاراي اسىقتى. ويتكەنى, ءۇش بىردەي ۇيىم – قازاقستان رەسپۋبليكاسى مەملەكەتتىك ورتالىق مۋزەيى, جاپونيانىڭ قازاقستانداعى ەلشىلىگى مەن قازاقستان-جاپونيا ادام رەسۋرستارىن دامىتۋ ورتالىعى ۇيىتقى بولعان شارادا الماتىلىقتاردى كوپ قىزىق كۇتىپ تۇرعان-دى. دەمالىسقا سايكەس كەلگەن «جا­پونيانىڭ الماتىداعى مادە­نيە­تى كۇنىندە» تالاي جۇمباعىن ءىشى­نە بۇككەن ەلدىڭ كوركىن كوز ال­دىمىزعا اكەلگەن ساتتەر بولدى. عا­جايىپ عيباداتحانالارى مەن جۇماقتاي باقتارى, قار باسقان تاۋ شىڭدارى مەن ءزاۋلىم ۇيلەر, بولا­شاقتىڭ تەحنولوگياسى مەن عا­سىرلىق داستۇرلەر, قالالىق ءومىر­دىڭ قاربالاس تىرشىلىگى مەن تا­بي­عاتتىڭ سۇلۋلىعى استاسىپ جات­قان جاپونيادان ءان مەن بيدەن ءبو­لەك, ونەردىڭ دە ءتۇر-ءتۇرى كەلگەن ەكەن. جەكسەنبىلىك مەرەكەگە جي­نال­عاندار ەلباسىنىڭ قاراشانىڭ باسىندا جاپونياعا بارعان رەسمي ساپارىنىڭ ءساتتى بولعانىن ەسكە الىپ, داستۇرلەرى ۇقساس ەلدەردىڭ ىنتىماعى مۇنان بىلايعى جەردە دە ۇلعايماسا, كەمىمەيتىنىن ايتىپ جاتتى. قوناقجايلىق كادەمەن جاپو­نيانىڭ الماتىداعى مادەنيەتى كۇنىن مەملەكەتتىك ورتالىق مۋزەي ديرەكتورىنىڭ ورىنباسارى بيبىگۇل داندىعاراەۆا اشىپ, مۋزەي 11 جىلدان بەرى جاپونيانىڭ قازاقستانداعى ەلشىلىگىمەن بەل­سەندى قارىم-قاتىناس جاساپ كەلە جاتقانىن اتادى. بۇل ءسوز جالاڭ ەمەس. ماسەلەن, ورتالىق مۋزەيدە وتكەن «جاپونيا قۋىرشاقتارى», «الەم كيمونو جاساۋ شەبەرى يتيكۋ كۋبوتانىڭ كوزىمەن», «حيروسيما مەن ناگاساكي», «يسەگاتاگامي» ونەرى شەبەرلەرىنىڭ كارتينالارى كورمەلەرى سياقتى مادەني شارالار الماتىلىقتاردىڭ ۇلكەن قىزىعۋشىلىعىن تۋدىرىپ, كەلۋ­شىلەر كوپ بولعان. جاپونيانىڭ قازاقستانداعى توتەنشە جانە وكىلەتتى ەلشىسى يتيرو كاۆاباتا ءوز كەزەگىندە بي­بىگۇل دان­دىعاراەۆانىڭ ءسوزىن قۋاتتاپ, سوڭعى 10 جىلدا جاپونيا ەل­شىلىگى مەن ادامدار رەسۋرستارىن دامىت­ۋ­دىڭ قازاقستان-جاپونيا ورتا­لىعى بۇل ەلدىڭ مادەنيەتىمەن جاقىن تانىسۋدىڭ عاجايىپ ءمۇم­كىندىكتەرىن ۇسىنعانىن ايتتى. ەگەر كۇنشىعىس ەلىنەن كەلگەن قوناقتارعا وسى ەلدە ءبىراز جىل تۇرىپ, جاپون ءتىلى مەن ونەرىن ۇيرەنگەن تورەعالي ايتمۇراتتىڭ ءداستۇرلى سياميسەن مۋزىكالىق اسپابىندا ويناپ, ءان سالۋى ۇناسا, قازاقتاردى كۇنشىعىس ەلىنەن كەلگەن قىزدىڭ جاساعان يكەبانالارى ءتانتى ەتتى. ايناش ەسالي, «ەگەمەن قازاقستان» الماتى