"قازاقكونتسەرت" ميلان مەن ريمدە كونتسەرت بەردى

ميلان مەن ريمدە قازاقستاننىڭ يتالياداعى ەلشىلىگىنىڭ قولداۋىمەن قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «قازاقكونتسەرت» مەملەكەتتىك كونتسەرت ۇيىمىنىڭ ارتىستەرى مەن شىعارماشىلىق ۇجىمدارىنىڭ گاسترولى بولىپ ءوتتى. قازاقستان ونەر شەبەر­لەرىنىڭ قاتىسۋىمەن كونتسەرتتەر يتاليانىڭ ميلان­داعى «پيكوللو تەاترو», ريمدەگى «سانتا چەچيليا» اكادەمياسى سەكىلدى اتاقتى كونتسەرت زالدارىندا ۇيىم­داستىرىلدى. كونتسەرتتەردىڭ باعدار­لامالارى قازاقتىڭ ءداستۇرلى مۋزىكا مادەنيەتىنىڭ كوپ­قىرلىلىعى مەن بايلى­عى­نىڭ جارقىن كورىنى­سىنە اينالدى. « ۇلى دا­لا اۋەندەرى» پرولوگى ءوزىن­دىك وي-ورنەگى بار ءتۇر­كى دۇنيەسىنىڭ اۋا­نىن قالىپتاستىردى. «قازاق­كونتسەرتتىڭ» فول­كلورلىق-ەتنو­گرافيالىق ان­سامبلىنىڭ «ارلان» ۇلتتىق كوستيۋم تەاترىنىڭ اكتەر-باتىرلارىمەن بىرلەسىپ ورىنداعان قازاقتىڭ حالىق مۋزىكاسى كورەرمەندەردى قازاق حالقىنىڭ ەجەلگى تاريحىنا قاراي جەتەلەگەندەي بولدى. كونتسەرتتى ۇكىمەت ءمۇ­شەلەرى, دەپۋتاتتار, مي­لان مەن ريم قالالارى مە­­ريا­لارىنىڭ وكىلدەرى, ۋني­ۆەرسيتەتتەردىڭ پرو­فەس­­­سورلىق-وقىتۋ­شى­لار قۇ­­­رامى, ستۋدەنتتەر مەن وقۋشىلار, يتالياداعى قا­زاق دياسپوراسى, سونداي-اق, شەتەل ديپلوماتيالىق ميس­سيالارىنىڭ وكىلدەرى مەن جۋرناليستەر تاماشالادى. كونتسەرتتىك باعدار­لاماعا قازاق ءداستۇرلى ءان ونە­رىنىڭ جارقىن وكىلى ەر­لان رىسقالي, «شولپان» بي ءانسامبلى, ءانشى اسەل قارسىباەۆا جانە باسقالار قاتىستى. يتاليالىق كورەر­مەندەر, سونداي-اق, ايان وماروۆ, انار مۇزداحانوۆا, ايگەرىم قوجاباەۆا جانە ميرا تاستەنوۆا سەكىلدى بەلگىلى ونەرپازداردىڭ ورىن­­­داۋىندا قازاقتىڭ دومبىرا, قىلقوبىز, جەتىگەن, ساز­سىرناي سياقتى حالىق اسپاپتارىنىڭ ءۇنىن ەستۋگە مۇمكىندىك الدى. ءوزىنىڭ ونەرلەرىن, سونىمەن قاتار, اكادەميالىق باعىتتاعى انشىلەردىڭ ايتۋلى وكىلدەرى ايگەرىم التىنبەك پەن قازاقستان رەسپۋبليكاسىنىڭ ەڭبەك سىڭىرگەن قايراتكەرى ازامات جىلتىركوزوۆ ورتاعا سالدى. ولار تەك قازاق كوم­پو­زيتورلارىنىڭ شىعار­مالارىن عانا ورىنداپ قويماي, يتاليا وپەرا كلاس­­سيكاسىنىڭ رەپەرتۋارلا­رىنان شەدەۆرلەردى دە كورەر­مەندەر نازارىنا ۇسىندى.   «ەگەمەن-اقپارات»