ۇقك توراعاسىنىڭ جاڭا ورىنباسارى تاعايىندالدى

قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ وكىمىمەن داۋلەت ەدىل ۇلى ەرعوجين قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ورىنباسارى قىزمەتىنە تاعايىندالدى, دەپ حابارلايدى اقوردانىڭ ءباسپاسوز قىزمەتى. سونداي-اق, مەملەكەت باسشىسىنىڭ وكىمىمەن قابدىلكارىم راتاي ۇلى ابدىقازىموۆ قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ورىنباسارى قىزمەتىنەن بوساتىلدى. داۋلەت ەدىل ۇلى 1979 جىلى 26 ساۋىردە الماتى قالاسىندا تۋعان. قازاق مەملەكەتتىك باسقارۋ اكادەمياسىن (1998) «ەكونوميكا جانە مەنەدجمەنت» ماماندىعى بويىنشا; ەكونوميكا جانە قۇقىق ۋنيۆەرسيتەتىن (2001) «قۇقىقتانۋ» ماماندىعى بويىنشا; زيگسوىك (2003) ىسكەرلىك اكىمشىلەندىرۋ ماگيسترى ماماندىعى بويىنشا بىتىرگەن. 1998 جىلدان - «قازترانسويل» ۇك» اق كليرينگ دەپارتامەنتىنىڭ مامانى بولعان. 2003 جىلدان - «قازمۇنايگاز» ۇك» اق سولتۇستىك كاسپي جوباسى دەپارتامەنتى ديرەكتورىنىڭ ورىنباسارى. 2005 جىلدان - «قازمۇنايتەڭىز» ۇك» اق  ەكونوميكا جانە قارجى جونىندەگى باس ديرەكتوردىڭ ورىنباسارى. 2006 جىلدىڭ مامىرىنان - قر پرەمەر-ءمينيسترى ورىنباسارىنىڭ كەڭەسشىسى - قر ەكونوميكا جانە بيۋدجەتتىك جوسپارلاۋ ءمينيسترى كەڭەسشىسى. 2007 جىلدان - قر قارجى ۆيتسە-ءمينيسترى. 2008 - 2014 جىل ارالىعىندا قر قارجى مينيسترلىگى سالىق كوميتەتىنىڭ توراعاسى بولدى. 2014 جىلدىڭ تامىزىنان قر قارجى مينيسترلىگى مەملەكەتتىك كىرىستەر كوميتەتىنىڭ توراعاسى بولىپ قىزمەت ەتتى.   ۇيلەنگەن. جۇبايى بار, ەكى ۇل, ەكى قىزدىڭ اكەسى.