استانادا پاراليمپيادا سپورتشىلارىنا كەشەن اشىلادى

ەلوردادا ۇلتتىق پاراليمپيادا كومانداسىنا ارنالعان جەكە سپورت كەشەنىن سالۋ جوسپارلانىپ وتىر. بۇل تۋرالى قازاقپاراتقا ۇلتتىق پاراليمپيادا كوميتەتىنىڭ ءباسپاسوز حاتشىسى گۇلنار جەيلان ءمالىم ەتتى. مۇمكىندىگى شەكتەۋلى سپورتشىلاردىڭ جەكە زالدار مەن باسسەيندەردە كەدەرگىسىز جاتتىعۋى ءۇشىن بار جاعداي جاسالماق. كەشەننىڭ قۇرىلىسىن بىرەگەي ەتۋ ءۇشىن اقش-تىڭ بەلگىلى ارحيتەكتورى يلەان رودريگەز استاناعا كەلگەن ەكەن. بۇل ساۋلەتشىنى حالىقارالىق وليمپيادا كوميتەتىنىڭ ءوزى ۇسىنىپتى. بۇنىمەن قوسا, يلەانا رودريگەز لوندوندا وتكەن پاراليمپيادا ويىندارىندا جەتىنشى ورىن العان سپورتشى. «مەنى قازاقستاننىڭ پاراليمپيادا ويىندارىنا شاقىردى, بۇل تاماشا كوماندا. مەنىڭ مىندەتىم - جاڭا سپورت كەشەنىن قاراۋ. بۇل جوباعا ۇلەس قوسۋ - مەن ءۇشىن ۇلكەن ابىروي»,-دەيدى ول. جوسپار بويىنشا, قازاقستانداعى وسىنداي تۇڭعىش سپورت كەشەنى 2017 جىلدىڭ ناۋرىزىندا اشىلۋى كەرەك.