شقو اكىمىنىڭ ورىنباسارى تاعايىندالدى

بۇگىن ءوڭىر باسشىسى دانيال احمەتوۆ وبلىس اكىمىنىڭ الەۋمەتتىك ماسەلەلەر جونىندەگى ورىنباسارىن تانىستىردى. اتالعان قىزمەتكە بۇعان دەيىن قازاقستان رەسپۋبليكاسى دەنساۋلىق ساقتاۋ ءمينيسترىنىڭ ورىنباسارى جانە "قازترانسويل" اق باس ديرەكتورىنىڭ ورىنباسارى قىزمەتتەرىن اتقارعان اسەم ءنۇسىپوۆا تاعايىندالدى. اسەم ءنۇسىپوۆا 1975 جىلى 1 مامىردا تۋعان. 1996 جىلى ءال-فارابي اتىنداعى قازاق ۇلتتىق ۋنيۆەرسيتەتىن " ەكونوميست" ماماندىعى بويىنشا تامامداعان. 1998 جىلى اتالعان ۋنيۆەرسيتەتتىڭ ماگيستراتۋراسىن ءبىتىردى. ەڭبەك جولىن 1997 جىلى كونسالتينگتىك كومپانيانىڭ ساراپشىسى بولۋدان باستادى. بۇدان كەيىن ءال-فارابي اتىنداعى قازۇۋ وقىتۋشىسى, "دەلوۆايا نەدەليا" اپتالىعىنىڭ ەكونوميكالىق شولۋشىسى بولدى. مەملەكەتتىك قىزمەتتە 2001 جىلدان باستاپ ەڭبەك ەتىپ كەلەدى. قازاقستان رەسپۋبليكاسى قاۋىپسىزدىك كەڭەسىنىڭ ەكونوميكالىق قاۋىپسىزدىك ماسەلەلەرى بويىنشا ءبولىمنىڭ باس ساراپشىسى, پرەزيدەنت اكىمشىلىگى جۇيەلى زەرتتەۋلەر ورتالىعىنىڭ سەكتور مەڭگەرۋشىسى, قارجى ءمينيسترىنىڭ كەڭەسشىسى, پرەمەر-ءمينيستردىڭ كەڭەسشىسى بولىپ ەڭبەك ەتتى. 2005-2007 جىلدارى پرەمەر-مينيستر كەڭسەسىنىڭ تالداۋلار جيىنتىعى ءبولىمىنىڭ مەڭگەرۋشىسى, 2008 جىلى دەنساۋلىق ساقتاۋ ءمينيسترىنىڭ ورىنباسارى جانە بۇگىنگى تاعايىنداۋعا دەيىن "قازترانسويل" اق باس ديرەكتورىنىڭ ەكونوميكا جانە قارجى جونىندەگى ورىنباسارى بولدى. دۋمان اناش, "ەگەمەن قازاقستان". وسكەمەن.