دجەيكوبس گولوۆكينمەن جەكپە-جەك ۋاقىتىن ايتتى

ورتا سالماقتاعى WBA (Regular) بەلبەۋىنىڭ يەسى, امەريكالىق بوكسشى دەنيەل دجەيكوبس قازاقستاندىق گەننادي گولوۆكينمەن جەكپە-جەكتىڭ شامامەن قاي ۋاقىتتا بولاتىنىن ايتتى, - دەپ جازادى Vesti.kz. مۇنىڭ الدىندا تاراپتار جەكپە-جەكتى 10 جەلتوقساندا وتكىزۋ تۋرالى كەلىسىم جۇرگىزگەن, الايدا بۇل ۋاقىتقا دەيىن ەگجەي-تەگجەيدىڭ ءبارىن كەلىسىپ ۇلگەرمەي, ونى 2017 جىلدىڭ باسىنا قالدىرعان بولاتىن. "مەن كەلەسى جەكپە-جەكتى كۇتىپ ءجۇرمىن. قازىر كەلىسسوزدەر جۇرگىزىپ جاتىرمىز جانە ءبارى جاقسى بولاتىن سياقتى. جەكپە-جەك ناۋرىزدىڭ ورتاسىندا وتەدى دەپ ۇمىتتەنەمىن. كەلەسى اپتادا مەن زالعا ورالام. نە بولارىن كورەمىز. بۇل ونىمەن شىققىم كەلمەيتىندىگىن بىلدىرمەيدى. مەن تەك بارلىعى دۇرىس ورىندالعانىنا كوز جەتكىزگىم كەلەدى. قازىر ءبارى كەلىسىمنىڭ ىسكەرلىك تۇسىمەن اينالىسىپ جاتىر. ءبىر-ەكى اپتادا ءبارىن اياقتايمىز دەگەن ويدامىن", - دەدى دجەيكوبس Fighthype.com باسىلىمىنا بەرگەن سۇحباتىندا. مۇنىڭ الدىندا قازاقستاندىق بوكسشىنىڭ پروموۋتەرى توم لەففلەر دەنيەل دجەيكوبستىڭ وكىلدەرىمەن كەلىسسوزدەر جۇرگىزىپ جاتقانىن راستاعان بولاتىن. "دجەيكوبس بۇل جەكپە-جەكتى قالايتىن سياقتى, ءبىز تەك ەكى جاققا دا ۇتىمدى كەلىسسوز جاساسقىمىز كەلەدى", - دەگەن بولاتىن پروموۋتەر. گولوۆكيننىڭ ءوزى دجەيكوبسپەن جەكپە-جەك جىل باسىنا تاماشا كەزدەسۋ بولاتىنىن ايتقان.