قازاقستاندا تۇرمەدە وتىرعانداردىڭ سانى ازايدى. سونىمەن قاتار حالىقارالىق رەيتينگتىك كورسەتكىشتە ەلىمىز 62-ورىنعا تومەن سىرعىدى. بۇل تۋرالى بۇگىن استانادا ءوتىپ جاتقان VII سۋديالار سەزىندە قايرات مامي مالىمدەدى.
"25 جىلدا تۇرمەدە وتىرعاندار سانى 3 ەسەگە ازايدى. وسى ارالىقتا قازاقستاننىڭ حالىقارالىق دەڭگەيدەگى رەيتينگتىك كورسەتكىشى تومەندەدى. تۇرمەگە قامالعاندار سانى بويىنشا ەلىمىز 30 ەلدىڭ ىشىنەن 62-ورىنعا تومەن سىرعىدى. بۇل رەتتە سوت قىزمەتىنە ەنگىزىلگەن جاڭا زاماناۋي وزىق تەحنولوگيالاردىڭ قولدانىسقا كەڭىنەن ەنگىزىلۋى وڭ سەپتىگىن تيگىزدى دەۋگە تولىق نەگىز بار", – دەدى جيىندا ارنايى بايانداما جاساعان جوعارعى سوت توراعاسى قايرات مامي.
سونىمەن قاتار وسى وزىق تەحنولوگيالاردى قولدانا باستاعالى بەرى ەلىمىزدە سوتتالعاندار سانى 9,5 مىڭ ادامعا كەمىگەن.
ء"بىز جازالاۋدىڭ وزىق ۇلگىلەرىن پايدالانا وتىرىپ, كورسەتكىشىمىزدى جوعارىلاتۋدامىز. ماسەلەن, اسا اۋىر ەمەس قىلمىس جاساعان نەمەسە اكىمشىلىك جاۋاپكەرشىلىككە تارتىلعان ادامداردى وتباسىنان اجىراتىپ, قوعامنان وقشاۋلاماي-اق, پروباتسيا قۇرىلعىسىن قولدانۋ ارقىلى جازالاۋ ءادىسى ءوزىنىڭ تيىمدىلىگىن كورسەتتى. سونىڭ ارقاسىندا ءبىز سوتتالعاندار سانىن 9,5 ادامعا دەيىن ازايتا الدىق," – دەدى قايرات ابدىرازاق ۇلى.
ايتا كەتەيىك, قازاقستاندى 62-ورىنعا جىلجىتقان رەيتينگتىك كورسەتكىشتى انىقتاۋعا الەمنىڭ 140 ەلى قاتىسقان بولاتىن.
نۇرلىبەك دوسىباي,
"ەگەمەن قازاقستان".
