قوس قۋانىش

تاياۋدا پرەزيدەنتتىك مادەنيەت ورتالىعىنىڭ كونتسەرت زالىندا حالىقارالىق اباي كلۋبى مەن «امانات» جۋر­نالىنىڭ 10 جىلدىعىنا وراي, سول كلۋبتىڭ قولدا­ۋىمەن شىعارىلعان «جيدەباي» جىلنامالىق جۋرنالى مەن ءسۇيىنباي ارون ۇلىنىڭ «ءبورىلى مەنىڭ بايراعىم» جينا­عىنىڭ تۇساۋكەسەر ءراسىمى ءوتتى. قازاق مادەنيەتى مەن ادە­بيە­تىن جانە باسپا ءىسىن ناسيحاتتاۋ جونىندە ءبىرتالاي ىستەر اتقارعان كلۋب پەن جۋرنالدىڭ باستى ماق­ساتى الەم جازۋشىلارىنىڭ كلاس­سيكالىق شىعارمالارىن ناسيحاتتاۋ, قازاق ادەبيەتىنىڭ وتكە­نى مەن دامۋ ءورىسىن زەرتتەپ-زەردەلەۋ. ءبىر ايتا كەتەتىن ءجايت, جۋرنالدى بۇگىندە دۇنيەنىڭ 20-دان استام ەلى وقيدى. ال كلۋب­تىڭ جانىنان جارىق كورىپ وتىرعان «امانات» جۋرنالىنىڭ 200 تومدىق كىتاپحاناسى الەم حا­لىقتارى ادەبيەتىنىڭ, ونەرى­نىڭ, تاريحىنىڭ, فيلوسوفيا­سى­نىڭ ءۇز­دىكتەرىمەن وقىرماندى قاۋ­ىش­­تىرىپ وتىر دەسەك, ونىڭ العاش­قى ونىمدەرىنىڭ قاتارىندا ماحامبەت وتەمىس ۇلى, قوجا احمەت ياساۋي, ءسۇيىنباي ارون ۇلى, اباي قۇنانباەۆ, شاكارىم قۇدايبەر­دى ۇلى, ءماشھۇر ءجۇسىپ, سونداي-اق سۇلتانماحمۇت تورايعىروۆ سي­ياقتى اقىنداردىڭ شىعارما­لا­رى بار. ال بيىلعى جىلى وسى سەريا بويىنشا ماعجان, قاسىم جانە دالا اقىندارىنىڭ ەڭ­بەك­تە­رىن شىعارۋ جوسپارلانىپ وت­ىر­عان كورىنەدى. بيىلعى جىلدان باستاپ «اما­نات» جۋرنالىنىڭ جانىنان تازا قازاق تىلىندە ادەبي, ساياسي, ءپال­سافالىق ءدىني «جيدەباي» جىل­نا­مالىق جۋرنالى شىعارىلا باس­تادى. جىلىنا ءبىر مارتە شىعا­رۋدى كوزدەپ وتىرعان جۋرنالدا 2010 جىلى الەم قالامگەرلەرى تۋدىرعان ۇزدىك پروزالىق جانە پوەزيالىق شىعارمالار ىرىكتەلىپ بەرىلىپتى. جۋرنالدىڭ «جيدەباي» دەپ اتالۋ سەبەبىنىڭ ءوز­ىندە ۇلكەن ءمان جاتىر. جيدەباي – قازاق ادەبيەتىنىڭ جارىق جۇل­دىز­دارى اباي, شاكارىم, مۇح­تار سىندى ءۇش تۇلعانىڭ تۋعان جەرى. قازاق پوەزياسىنىڭ جارقىن وكىلى ءسۇيىنباي ارون ۇلىنىڭ «ءبو­رىلى مەنىڭ بايراعىم» اتتى جي­نا­عى دا قازاق ادەبيەتىن حالىق­ارالىق تۇرعىدا ناسيحاتتاۋ ماق­ساتىندا جارىق كورگەن ەلەۋلى ەڭبەكتەردىڭ ءبىرى. كىتاپقا ءسۇي­ىن­باي اقىننىڭ وتتى ولەڭدەرىمەن بىرگە ايتىستارى, سونداي-اق اق­ىن شىعارماشىلىعىن زەرتتەۋشى س.سادىرباەۆ پەن م.جولداسبەكوۆ سەكىلدى عالىمداردىڭ ماقا­لالارى دا ەنگىزىلگەن. تۇساۋ­كە­سەر ءراسىمى قازاق ادەبيەتىنىڭ كور­نەكتى تۇلعالارىنىڭ پىكىر-لەبىزدەرىمەن قوسا, گۇلميرا سا­ري­نانىڭ ورىنداۋىندا «وزگەگە كوڭىلىم تويارسىڭ», سونداي-اق اي­گۇل ەلشىباەۆانىڭ «ءسۇيىن­باي» اندەرىمەن ورنەكتەلىپ وتىردى. جۇلدىز ءبايدىلدا.