ازيادا: ارمان جانە اقيقات

استانادا قىسقى ازيا ويىندارىن ۇيىمداستىرۋ كوميتەتى مەن ونىڭ رەسمي حالىقارالىق تەلەحابار تاراتۋشىسى «Rocket Media Communications» كومپانياسىنىڭ وكىلدەرى جۋرناليستەرمەن كەزدەسىپ, ازيادانىڭ قورىتىندىسى تۋرالى ويلارىمەن ءبولىستى. وعان تۋريزم جانە سپورت مينيسترلىگى سپورت ىستەرى جونىندەگى كوميتەتىنىڭ توراعاسى ەلسيار قا­ناعاتوۆ, قىسقى ازيا ويىن­دارى كوميتەتى اتقارۋشى ديرەكتسيا­سى­نىڭ پرەزيدەنتى ءاناتولى قۇل­نازاروۆ پەن ونىڭ ورىنباسارلارى جانە اتالمىش كومپانيانىڭ باس ديرەكتورى مايكل گرابنەر قا­تىستى. كەزدەسۋدە قىسقى ازياداعا دا­يىندىق, ازيادادان كەيىنگى جۇ­مىس­تار مەن ەلىمىزدە قىسقى سپورت­تى دامىتۋدا ىستەلىنىپ جاتقان ءىس-شا­رالار تۋرالى اڭگىمە قوزعالدى. وسى جەردە ا.قۇلنازاروۆ ازيا­داعا دا­يىندىقتىڭ جارىسقا 9 اي قال­­عاندا باستالعانىن, سول كەزدەن بەرى 270 ءىس-شارانىڭ, ونىڭ ىشىندە ۇكىمەتتىك دەڭگەيدە 17 ءماجىلىس پەن اتقارۋشى ديرەكتسيانىڭ وزىندە 42 وتىرىستىڭ وتكىزىلگەنىن, ويىن­دار­عا 5 900 ەرىكتى قاتىسقانىن, ازيا­دا­نى ۇيىم­داس­تىرۋ ديرەكتسيا­سىن­دا 500 قىز­مەت­كەر ىستەگەنىن اتاپ ءوتتى. سودان كەيىن تۋريزم جانە سپورت مينيسترلىگىنىڭ وكىلى ەلسيار قاناعاتوۆ مينيسترلىكتىڭ وتكەن جىلعى جۇمىستارى مەن الداعى جوسپارلارى تۋرالى مالىمەت بەردى. مۇندا ول ەلىمىزدە قىسقى سپورت­تى دامىتۋدا اتقارىلىپ جاتقان جۇ­مىستارعا توقتالىپ, قازىر مينيسترلىك پەن ءبىلىم جانە عىلىم مەن اۋىل شارۋاشىلىعى ءمينيسترلى­گى­نىڭ اراسىندا مەموراندۋمعا قول قويىلعانىن, سول قۇجات بويىنشا ستۋدەنتتەر سپورتى, اۋىل سپورتى مەن قىسقى سپورتتى دامىتۋدا جۇ­مىستاردىڭ جۇرگىزىلەتىنىن ايتتى. ودان ءارى كەزدەسۋدە ازياداعا جۇم­سالعان قارجى ماسەلەسى ءسوز بولدى. وعان ديرەكتسيانىڭ ۆيتسە-پرەزيدەنتى ابزال الىبەكوۆ جاۋاپ بەردى. ول ازيادانىڭ قۇرىلىسىنا ءبو­لىن­گەن قارجىنى ەسەپتەمەگەندە 35 ملرد. تەڭگە, ازيادانىڭ اشىلۋى­نا 5 ملرد., ال جابىلۋىنا 1 ملرد. تەڭگە جۇمسالعانىن جەتكىزدى. وسى­دان كەيىن ديرەكتسيا وكىلدەرى كوپشىلىكتى قىزىقتىرعان تاعى ءبىر سۇراققا جاۋاپ بەرىپ كوردى. مۇندا ازيادا ءانۇرانىنىڭ اشىلۋ سال­تاناتىندا نەگە ورىندالماي قال­عانى تۋرالى قويىلعان سۇراققا ا.قۇلنازاروۆ بىلاي دەپ جاۋاپ بەردى. «ازيادانىڭ اشىلۋ ءراسى­مىن­دە بەلگىلى كومپوزيتور, ءانشى ەسكەندىر حاسانعاليەۆتىڭ انىنە جا­زىلعان ازيادا ءانۇرانى شىر­قا­لاتىن بولعانى راس, – دەدى ول. – بىراق, ءبىز جارىستىڭ اشىلۋ, جا­بى­لۋ سالتاناتىندا ازيادانىڭ ءان­ۇرانىن ورىنداتۋعا كەشىكتىك. ازيادانىڭ اشىلۋىن ۇيىمداس­تىرۋشىلار ستسەناريدى ەرتە بەكىتىپ جىبەرىپتى. ال وعان جاۋاپتى قىزمەتكەر رەسەيلىك كومپوزيتور يگور كرۋتويدىڭ بولعانىن بىلەسىزدەر. ونىمەن اشىلۋ سالت­انا­تىنا دەيىن كەزدەسۋ قيىن بولدى. ال وزىمەن كەزدەسكەندە ازيادا ءانۇرانى نەگە ورىندالماي قالدى دەپ سۇراساق: «مەن ونى ەستىگەن جوقپىن. ماعان ونى ەشكىم ايتقان جوق», دەپ شىعا كەلدى. ءدال سول اشىلۋ سالتاناتى كەزىندە ۇيىم­داستىرۋ كوميتەتى ۇكىمەتتىڭ الدى­نا شىققانىمەن ازيادا ءانۇرانىن ورىنداتۋدى ەشكىم موينىنا ال­عىسى كەلمەدى. قىسقاسى, ءانۇران شىققاندا وعان ءارى قاراي ەشكىم جاۋاپتى بولعىسى كەلمەدى». كەزدەسۋدە ودان كەيىن ەلىمىزدىڭ ازياداعا دايىندىعى, جارىسقا شەتەلدىك ساراپشىلاردىڭ بەرگەن باعاسىنا ارنالعان 26 مينوتتىك قو­رىتىندى دەرەكتى فيلم كور­سەتىلدى. «Rocket Media Com­mu­ni­cations» كومپانياسىنىڭ باس دي­رەكتورى مايكل گرابنەردىڭ اي­تۋىن­شا, ازيادا كەزىندە كومپانيا 182 ەلگە 10 تىلدە حابار تاراتاتىن «Euronews» جاڭالىقتار ارناسى­مەن تىعىز بايلانىستا بولدى. وسى تەلەارنا 2 اقپان كۇنى ازيا ويىن­دارىنا ارنالعان FOCUS تە­لە­جۋرنالىنىڭ العاشقى شى­عارى­لى­مىمەن تانىستىردى. «ءبىزدىڭ كومپانيا, – دەيدى ول. – ازيادانى ءبۇ­كىل الەمگە كورسەتۋ ءۇشىن بار ءمۇم­كىندىكتى جاسادى. ءبىز كۇن سايىن الەمنىڭ 155 ەلىندە 541 تەلەارنادا ازيادانىڭ جاڭالىق­تارى, ونىڭ قىزىقتى ساتتەرى, ءوزى­مىز تۇسىرگەن دەرەكتى ءفيلمدى كورسەتىپ وتىر­دىق. سونىڭ ىشىندە ازيادانىڭ دا­يىندىعىنا ارنال­عان 13 مينوتتىك, فينالدىق ويىن­دارعا ارنالعان 29 مينوتتىك دەرەكتى فيلم مەن 8 مينوتتىك جاڭا­لىقتار بار. وسى­نىڭ ءبارىن تەلەارنادان 1 396 733 408 ادام كوردى». داستان كەنجالين.