• 18 قاراشا, 2016

سقو-دا 188 جوبا ماقۇلداندى

318 رەت

كورسەتىلدى

1 مين

وقۋ ءۇشىن

Egemen Qazaqstan

8bbfc3696c6f426d8a50fa2b40a4f83f_resize_w_520_h_

«دامۋ» قورى» اق سولتۇستىك قازاقستان ايماقتىق فيليالىنىڭ ۇيىمداستىرۋىمەن «بيزنەستىڭ جول كارتاسى 2020» جانە وڭدەۋ ونەركاسىبى سالاسىنداعى شاعىن جانە ورتا كاسىپ سۋبەكتىلەرىن نەسيەلەۋ باعدارلاماسىنا قاتىسۋشى كاسىپورىندارعا پرەسس-تۋر ءوتتى, دەپ حابارلايدى Baq.kz.

سولتۇستىك قازاقستان وبلىسىندا جىل باسىنان بەرى «بيزنەستىڭ جول كارتاسى 2020» باعدارلاماسى اياسىندا مەملەكەتتىك سۋبسيديا الۋ بويىنشا جالپى سوماسى 13 ميلليارد تەڭگەنىڭ 188 جوباسى ماقۇلداندى.

وسى جىلدىڭ 10 ايىندا كاسىپكەرلەرگە 0,75 ملرد. تەڭگە مولشەرىندە قايتارىمسىز قارجى, ياعني سۋبسيديا بەرىلدى. وبلىس بويىنشا جىل باسىنان بەرى «دامۋ» قورى نەسيەلىك پورتفەلى شامامەن 1.9 ميللارد تەڭگە بولاتىن 39 كەپىلدەمە بەردى. ال, بەرىلگەن كەپىل قارجىنىڭ كولەمى 0,8 ميلليارد تەڭگە. «دامۋ» قورى كاسىپكەرلەرگە قىزمەت كورسەتۋ ورتالىعىنىڭ كەڭەسشىلەرى جىل باسىنان بەرى جاڭا باستاعان جانە بۇرىننان جۇمىس ىستەپ كەلە جاتقان كاسىپكەرلەرگە «بجك 2020» باعدارلاماسى, باسقا دا كاسىپكەرلىكتى قولداۋدىڭ مەملەكەتتىك ينسترۋمەنتتەرى, قارجىلاندىرۋ كوزدەرى, ماركەتينگ, بيزنەستى جوسپارلاۋ مەن زاڭگەرلىك جانە بۋحگالتەرلىك ماسەلەلەر بويىنشا 3 جارىم مىڭنان استام كونسۋلتاتسيا وتكىزدى. پرەسس-تۋرگە جينالعاندار «بيزنەستىڭ جول كارتاسى 2020» باعدارلاماسىنىڭ مەملەكەتتىك سۋبسيديا, «دامۋ» قورىنىڭ كەپىلدەمەسىن الۋ جانە ۇلتتىق قوردان 6% جىلدىق مولشەرلەمەمەن وڭدەۋ ونەركاسىبى سالاسىنداعى شاعىن جانە ورتا كاسىپ سۋبەكتىلەرىن نەسيەلەۋ باعىتىنا قاتىسۋشى كومپانيالاردى ارالادى.