اسكەريلەر وتباسىلارى باسپانالى بولدى

اقتوبە قالاسىندا ورنالاسقان №30238 اسكەي ءبولىمى اۋما­عىندا اسكەريلەر ءۇشىن ارنايى سالىنعان بەس قاباتتى 140 ءپا­تەرلى تۇرعىن ءۇي پايدالانۋعا بەرىلدى. بىرنەشە جىلدان بەرى پاتەر جالداپ كەلگەن اسكەريلەر وتباسىلارى «ءوز ءۇيى, ولەڭ ءتو­سەگىنە» قول جەتكىزىپ ءبىر جاساپ قالدى. قىسقا مەرزىمدە سالىن­عان بۇل تۇرعىن ءۇيدىڭ ءپا­تەر­لەرى جايلى, كەڭ, جوسپارلانۋى دا جاقسى. اسكەريلەردىڭ قونىس تويىنا تۇسپا-تۇس كەلگەن  قورعا­نىس ءمينيسترىنىڭ ورىنباسارى اسەت قۇرمانعاليەۆتىڭ,  قاۋىپ­سىز­دىك كەڭەسى حاتشىسىنىڭ ورىن­با­سا­رى, قاۋىپسىزدىك كەڭەسى حات­شى­لىعىنىڭ مەڭگەرۋشىسى قوزى-كورپەش ءجاڭبىرشيننىڭ جانە اقتوبە گارنيزونىنىڭ باستىعى, پولكوۆنيك ورازبەك ءالمۇحام­بە­توۆ­تىڭ قولىنان جاڭا پاتەر­لەردىڭ كىلتتەرىن العان اسكە­ريلەردىڭ قۋا­نىشىندا شەك جوق. سولاردىڭ ءبىرى اقتوبە قالاسى قورعانىس ىستەرى جونىندەگى باس­قار­­­ماسىنىڭ قىزمەتكەرى, مايور تيمۋر جۇقاباەۆ. كەزىندە سار­باز­دى  قۇتقارامىن دەپ ءبىر اياعىنان ايرىلسا دا اسكەري ساپتا قالىپ, اسكەري انتقا ادالدىق تانىتقان ول II دارەجەلى  «ايبىن» وردەنىمەن  ماراپات­تال­­عان-دى. ون جەتى جىلداي  ءپا­تەر جالداپ تۇرعان تي­مۋر جۇ­قاباەۆ ەكى بولمەلى باس­پاناعا يە بولدى. جاڭا ۇيدە قو­نىس توي­لاۋشىلاردىڭ قاي-قايسى دا مۇنداي قۇرمەتكە لايىقتى جاندار. وسى ۇيدەن باسپانالى بول­عانداردىڭ باسىم بولىگى بۇعان دەيىن  پاتەر جالداپ, باسپانا قيىندىعىن كورگەندەر.  مۇنداي قۋانىش حالىقارالىق ايەلدەر مەرەكەسى كۇنى قارساڭىندا جاڭا پاتەرگە قونىستانۋشى اسكەري­لەر­دىڭ جۇبايلارىنا  ارنايى جاسالعان سىيلىق ىسپەتتى بولدى. ساتىبالدى ءساۋىرباي, اقتوبە وبلىسى.