كانديداتتىڭ قاربالاس كۇندەرى

ەل پرەزيدەنتتىگىنە كاندي­دات­تىڭ سايلاۋ الدىنداعى الا­مان دوداسىنا ءتۇسۋ – اۋىر سىن, ار مەن ادامگەرشىلىك ءول­شەمى ەكەندىگى بەلگىلى. بۇل ساياسي ناۋقان قاي ءۇمىت­كەرگە بولسىن ۇلكەن جاۋاپكەرشىلىك جۇك­تەۋمەن بىرگە, ونىڭ وزىنەن زور قاجىر-قايراتتى, اقىل-پا­را­ساتتى تالاپ ەتەرى انىق. مىنە, وسىنداي سىنعا تاۋە­كەل ەتۋشىلەردىڭ ىشىندە حالىق گەنەرالى دەپ اتالىپ جۇرگەن عاني قاسىموۆتىڭ بەت-بەينەسى, ۇستانعان باع­دار­لاماسى ءبىرشاما ەرەكشە دەپ ايتا الار ەدىك. بۇرناعى كۇنى قازاقستان پرە­زيدەنتتىگىنەن ۇمىتكەر عاني قاسىموۆ الماتى قالا­لىق №17 كلينيكالىق اۋرۋحا­نا­سىن­داعى سايلاۋشى قاۋىم­مەن – دارىگەرلەرمەن جانە ورتا بۋىن مەديتسينا قىز­مەت­كەر­لەرىمەن كەزدەستى. بۇل كەزدەسۋدە دەنساۋلىق ساقتاۋدى دامى­تۋ, دارىگەرلەر مەن مەيىر­بي­كە­لەر­دىڭ, زەينەتكەرلەردىڭ جانە حالىقتىڭ باسقا دا قاۋقارسىز قالىڭ توپتارىنىڭ الەۋمەتتىك جاعدايىن جاقسارتۋ جونىندە ۇلكەن اڭگىمە بولىپ, مۇددەلى پىكىر الماسىلدى. دارىگەرلەر جالاقىسىنىڭ تومەندىگى, ونى كوبەيتۋ قا­جەت­تىگى تۋرالى عاني قاسىموۆ ءوزى­نىڭ وتكەندە جاريا ەتكەن ساياسي تۇعىرناماسىندا ايتقان بولا­تىن. سول ءسوزىن پرەزيدەنتتىككە كانديدات تاعى قايتالادى. مۇن­داي دايەكتى ۋادەشىلدىك ءدارى­گەرلەر مەن مەيىربي­كە­لەردىڭ كوڭىلىنەن شىققان سياقتى. اۋرۋحاناداعى كەزدەسۋدەن سوڭ تۇستەن كەيىن ع.قاسىموۆ ءوزىنىڭ شتابىنا جينالعان جۋر­ناليستەرمەن از-كەم اڭگى­مە­لە­سىپ, سۇراقتارعا جاۋاپ بەر­دى, ءوزىنىڭ سايلاۋ الدىن­داعى ۇگىت-ناسيحات جۇمىستارىنىڭ بارى­سىنا توقتالدى. وسى رەتتە قا­شاننان بەرگى تىلەكشى دوسى سا­نايتىن باق وكىلدەرىنە ۇلكەن ءۇمىت ارتاتىنىن بايقاتتى. پرەزيدەنتتىككە كانديداتتىڭ الەۋمەتتىك پروبلەمالاردى شەشۋ, اكىمشىلىك رەفورمالار جاساۋ باعىتىنداعى ايتقان­دا­رى ەل ىشىندە ۇنامدى سىلكىنىستەر تۋعىزىپ جاتقان كورىنەدى. وسىعان وراي ع.قاسىموۆ ال­داعى اپتادا سايلاۋ الدىن­داعى مارافونعا قاتىستى تاعى بىرنەشە مالىمدەمە جاساي­تىنىن ەسكەرتتى. ع.قاسىموۆ ءوزىنىڭ سايلاۋ الدىنداعى ناۋقانىنا 6 ميلليون تەڭگەدەن استام قارجى ءبولىنىپ وتىرعاندىعىن ايتتى. بىراق ونىڭ قالاي ءبولىنىپ, قالاي جۇمسالاتىنى پارتيا­لىق ۇيالار ارقىلى جۇرە­تىن­دىكتەن, قارجى ماسەلەسىندە ءازىر ەشتەڭە دەي المايدى. ساي­لاۋ الدىن­دا­عى ۇگىت-نا­سي­حاتتى قارجىسى جەتكەن جەرگە دەيىن جۇرگىزەدى. پاتريوتتار پارتياسىنىڭ 14 وبلىستىق كو­ميتەتى, استانا, الماتى, قاراعاندى قالالىق كو­ميتەتتەرى, بارلىعى 50-دەن استام ءىرى ۇيىمدارى بار. الما­تىدا 3 مىڭ, باسقا وبلىستار مەن قالالاردا 200-300-دەن ەرىك­تىلەر سايلاۋشىلار اراسىن­داعى ۇگىت-ناسيحات جۇمىستارىن جۇرگىزۋگە كومەكتەسۋدە. پرەزيدەنتتىكتەن ۇمىتكەر ۇگىت-ناسيحات جۇمىسىنىڭ قار­قى­نىن ارتتىرا ءتۇسۋدى كوزدەپ وتىر. ءبىر جاعى اقشا ۇنەمدەۋ ءۇشىن وبلىستارعا جالعىز بار­ماقشى. بۇل رەتتە ءوزىنىڭ سەنىم بىلدىرىلگەن ادامدارىنا جانە, جوعارىدا ايتقانداي, جۋرناليستەرگە كوبىرەك ارقا سۇيەيدى. سايلاۋ الدىنداعى قاربالاس كۇندەردە تىنىمسىزدىق تا­نىت­قان ع.قاسىموۆ حالىققا ءوز باعدارلاماسى ۇناپ جاتقا­نى­نا سەنىمدى سىڭايلى. قورعانبەك امانجول, الماتى. سۋرەتتى تۇسىرگەن بەرسىنبەك سارسەنوۆ.