ءوزارا ىقپالداستىققا ءورىس كەڭ

جاقىندا وڭىرلەر اراسىنداعى كاسىبي بىلىكتىلىك پەن تاجىريبە الماسۋ ماقساتىندا جامبىل وبلىسىنىڭ اكىمى كارىم كوكىرەكباەۆ باستاعان دەلەگاتسيا شىعىس قازاقستان وبلىسىنا بارىپ قايتتى. ساپار بارىسىندا جامبىلدىقتار الدىمەن «ۆوستوك-مولوكو» جشس-ءنىڭ وسكەمەندەگى ءسۇت زاۋىتى جۇمىسىمەن تانىستى. مۇندا تاۋلىگىنە 40 توننا ءسۇت وڭدەلەدى ەكەن. «سۇرانىس كوبەيىپ جاتسا, ءسۇت مولشەرىن 200 تونناعا دەيىن كوتەرىپ, قاجەت ەمەس جاعدايدا 10 تونناعا دەيىن تۇسىرە الامىز. ودان زاۋىتتىڭ شىعىنى ارتپايدى» دەيدى كاسىپورىن ديرەكتورى سەيىلجان سايلاۋباەۆ. شىعىس قازاقستان وبلىسىنىڭ اكىمى دانيال احمەتوۆتىڭ ايتۋىنا قاراعاندا, «ۆوستوك-مولوكو» جشس ەلىمىزدە العاش رەت ءسۇت وندىرىسىنە روبوتتاندىرىلعان جۇيە ەنگىزگەن كاسىپورىن. ەندى تابيعي ونىمدەرىن قىتاي نارىعىنا شىعارماق. ارينە, «كەلگەنشە قوناق ۇيالا­دى, كەلگەن سوڭ ءۇي يەسى ۇيالادى» دە­گەن, اۋليەاتالىق كاسىپكەرلەر ول جاقتاعى جۇرتتان ۇيات بولما­سىن دەپ ءبىر كەرۋەن جەتەكتەپ بارۋدى ءجون ساناپتى. بيىل جامبىل وبلىسىنىڭ قامباسى توق. بۇل كۇنى وسكەمەندەگى «Fresh ناۋket» لوگيستيكالىق ورتالىعىندا اۋىل­شارۋاشىلىق جارمەڭكەسى وتكى­زىلىپ, اۋليەاتالىق تاۋار ءوندى­رۋشىلەرى جايماعا جالپى قۇنى 95,7 ملن تەڭگەنى قۇرايتىن 154,3 توننادان استام اۋىل شارۋاشىلىعى تاۋارلارىن قويدى. ونىڭ ىشىندە 20 توننا ەت, 1,4 توننا تاۋىق ەتى, 5 توننا شۇجىق, 16,2 توننا ءسۇت ونىمدەرى, 5 مىڭ دانا جۇمىرتقا, 1,5 توننا كونديتەرلىك جانە 6 توننا ماكارون ونىمدەرى, 5 توننا قانت, 0,5 توننا تۇز, 5 توننا بالىق, 1,2 توننا بال جانە 87,5 توننا جەمىس-جيدەك پەن كوكونىس ونىمدەرى بار. ەڭ باستىسى, بۇل جارمەڭكەدەگى تاۋار باعالارى نارىق باعاسىنان 5-20 پايىزعا تومەن بولدى. «مەركىدە ىرىمشىك شىعاراتىن زاۋىت بار. سوندىقتان ءسۇت ءونىم­دەرىن كوپتەپ جەتكىزدىك. ءبىر عانا مەركى اۋدانىنان 15 كاسىپكەر ءوز ونىمدەرىن اپاردى. حالىقتىڭ جەمىس-جيدەككە دەگەن سۇرانىسى كەرەمەت بولدى. اسىرەسە, ەتتىڭ ساۋداسى قىزدى», دەيدى بۇل جونىندە مەركى اۋدانى اكىمىنىڭ ورىنباسارى باقىتحان ءابجاپپاروۆ. بۇگىندە شىعىستا جامبىل وبلىسىنىڭ 97 تۇلەگى «سەرپىن» باعدارلاماسى بويىنشا ءبىلىم الۋدا. ەكى وبلىستىڭ اكىمدەرى وسى ستۋدەنتتەرمەن كەزدەسىپ, حال­-­ جاعدايلارىن سۇرادى. ارمان قۋىپ, ءبىلىم جولىنا تۇسكەن جام­­بىلدىق جاستار قامقورشى اعا­لا­رىنا العىستارىن جاۋدىرىپ, شىعىس جەرىندە ەڭبەك جولىن باس­تاۋعا دايىن ەكەندىكتەرىن جەت­­كىزدى. تاعى ءبىر ايتارى, بۇل كۇنى وڭتۇستىك جاقتان كەلگەن ستۋدەنت­تەر جارمەڭكەگە بارىپ, تۋعان جەردىڭ دامىنەن اۋىز ءتيىپ, ارزان ازىق-ت ۇلىكتى مول ەتىپ ارقالاپ قايتتى. گلۋبوكوە اۋدانىنىڭ سول­نەچ­­نوە كەنتىندە ورنالاسقان «ماي­­لى داقىلدار تاجىريبە شا­رۋا­­­شىلىعى» جشس – مايلى داقىلداردىڭ تۇقىمىن ىرىك­­تەپ, اسىلداندىرۋمەن شۇ­عىل­­­داناتىن ەلىمىزدەگى ساناۋ­لى كاسىپورىنداردىڭ ءبىرى. ال «بوبروۆكا+» جشس-ءنىڭ روبوت­تاندىرىلعان ءسۇت وڭدەۋ فەرماسىندا قازىرگى كەزدە 800-دەن استام ءىرى قارا مالى بار ەكەن. بارلىق جۇمىس, ياعني مال ازىعىن بەرۋ, ساۋ, سيىرلاردىڭ جاعداي­ىن باقىلاۋ تولىعىمەن اۆتوماتتى تۇردە جۇرگىزىلەدى. كاسىپورىندا بۇگىندە 70 ادام ەڭبەك ەتۋدە. كارىم كوكىرەكباەۆ وسى كاسىپ­ورىن­دارعا ارنايى ماماندار جىبەرىپ, تاجىريبە الماسۋ جونىندە ۇسى­نىس ايتتى. – بۇل كەزدەسۋ ەكى جاققا دا ءتيىمدى بولادى دەپ ويلايمىن, – دەيدى جامبىل وبلىسىنىڭ اكىمى كارىم كوكىرەكباەۆ. – ءبىزدىڭ ءوڭىر اگرارلىق ولكە سانالاتىندىق­تان, بيىل اۋىلشارۋاشىلىق سالا­­سىندا مول ءونىم جينادىق. سونداي-اق, ەلىمىزدەگى حيميا سالاسىنىڭ 30 پايىزى اۋليەاتا ءوڭىرىنىڭ ۇلەسىندە. جامبىل وبلىسىنان مينەرالدى تىڭايتقىش­تار, قۇرىلىسقا قاجەتتى قوسپالار, ۇن-ماكارون ونىمدەرىن تاسىمالداۋ­عا ءازىرمىز. كەزدەسۋ سوڭىندا شىعىس قا­زاق­­ستان وبلىسى مەن جامبىل وبلىستارىنىڭ ىقپالداستىعى جونىندەگى مەمو­راندۋمعا قول قويىلدى. ورالحان ءداۋىت, «ەگەمەن قازاقستان» جامبىل وبلىسى سۋرەتتى تۇسىرگەن اقادىل رىسماحان