جان جاڭعىرىعى

الماتى قالاسىنداعى دوستىق ۇيىندە پارلامەنت ءماجىلىسىنىڭ دەپۋتاتى, قازاقستان حالقى اسسامبلەياسى كەڭەسىنىڭ مۇشەسى, رەسپۋبليكالىق ۇيعىر ەتنومادەني بىرلەستىگىنىڭ توراعاسى شايماردان نۇرىموۆتىڭ «قالبيم ساداسي» («ەحو دۋشي») اتتى كىتابىنىڭ تۇساۋكەسەرى بولىپ ءوتتى. وعان دەپۋتاتتىڭ ارىپتەستەرى, قوعام قايراتكەرلەرى, قوعامدىق بىرلەستىكتەر وكىلدەرى, عالىمدار, اقىن-جازۋشىلار جانە باسقا دا زيالى قاۋىم وكىلدەرى قاتىستى. سالتاناتتى شارانىڭ مودەرا­تورى – رەسپۋبليكالىق قوعامدىق-ساياسي «ۋيعۋر اۆازي» گازەتىنىڭ باس رەداكتورى, قازاقستان حالقى اسسام­بلەياسىنىڭ مۇشەسى ەرشات اس­ماتوۆ جينالعان قاۋىمدى ءتا­ۋ­ەل­سىزدىگىمىزدىڭ 25 جىلدىعىنا ار­نال­عان بۇل شارانىڭ  نەگىزگى كەيىپ­كەرى, كىتاپ  جانە ونىڭ اۆتورى جاي­لى قىسقاشا تۇسىنىكتەمە بەردى. العاش­قى قۇتتىقتاۋ ءسوز سويلەگەن قازاقستان حالقى اسسامبلەياسى ءتو­را­عا­سىنىڭ ورىنباسارى لەونيد پي­تو­لەنكو الدىمەن كوپ ۇلتتى ەلى­­مىز­دەگى ەڭ نەگىزگى بايلىق –ۇلت­­ارا­لىق تاتۋلىق ەكەندىگىن اي­تا­ كەلىپ, سونىڭ ىشىندەگى ۇيعىر ۇلتىنىڭ وكىلى, بەلگىلى تۇلعا شاي­مار­دان ۇسەين ۇلىن جاڭا كىتا­بىنىڭ شىعۋىمەن شىن جۇرەكتەن قۇتتىقتادى. سودان كەيىن ءسوز العان پارلا­مە­نت ءماجىلىسىنىڭ  دەپۋتاتى اح­مەت مۇرادوۆ, رەسپۋبليكالىق «نۇر­ وتان» پارتياسى ساياسي كەڭەسى­­نىڭ جانە الماتى قالالىق قوعام­دىق كەڭەس مۇشەسى, قازاقستان حال­قى اسسامبلەياسىنىڭ مۇشەسى احمەت­جان شاردينوۆ, الماتى قالالىق ءماسليحاتىنىڭ دەپۋتاتى شاۆكەت وماروۆ, قازاقستان جازۋشىلار وداعى ۇيعىر ادەبيەتى كەڭەسىنىڭ توراعاسى, قازاقستاننىڭ ەڭبەك سىڭىرگەن قايراتكەرى, حالىقارالىق الاش سىيلىعىنىڭ لاۋرەاتى, جازۋ­شى-دراماتۋرگ احمەتجان اشيري, مادەنيەتتانۋشى, بەلگىلى قوعام  قايراتكەرى مۇرات اۋە­زوۆ, رەسپۋبليكالىق كورەي تەاتر­ى­نىڭ ديرەكتورى, قازاقستان حال­قى اسسامبلەياسىنىڭ مۇشەسى ليۋبوۆ ني, قىرعىزستان حالقى اسسامبلەياسىنىڭ مۇشەسى ارتىق حادجيەۆ, تاعى باسقا دا زيالى قاۋىم وكىلدەرى شايماردان ۇسەين ۇلىنىڭ قوعامدىق جانە شىعارماشىلىق جۇمىسىنا جوعارى باعاسىن بەرۋمەن بىرگە, الداعى جۇمىستارىنا تابىس تىلەدى. وسى جەردە ايتا كەتەتىن جايت, شايماردان نۇرىموۆ – قازاق­ستاننىڭ ناعىز پاتريوتى. ول بۇكىل ءومىرىن مەملەكەت  قاۋىپسىزدىگىنە, وندا­عى ۇلتتار دوستىعى مەن ۇلت­ارالىق كەلىسىمدى نىعايتۋعا, كوپ ­ۇلت­تى ەلىمىزدىڭ  دامۋىنا, ءوز حال­قى­نىڭ ادەت-عۇرپىن, مادە­نيەت­ىن ساقتاپ, دامىتۋعا ارناپ كەلەدى. دەپۋتاتتىڭ كىتا­بىندا, مىنە, وسى ماسەلەلەردىڭ ءبارى قامتىلعان. تۇساۋكەسەر سوڭىندا ءسوز ءسوي­لە­گەن شايماردان نۇرىموۆ وسى شارا­نى ۇيىمداستىرۋشىلارعا, جى­لى لەبىزدەرىن بىلدىرگەن بارلىق قو­ناق­تارعا شەكسىز العىسىن جەت­كىزدى. شامشيدين ايۋپوۆ   الماتى