2002
* 4 ماۋسىمدا الماتىدا ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) ءبىرىنشى ءسامميتىنىڭ اشىلۋى بولدى. وندا قازاقستان پرەزيدەنتى نۇرسۇلتان نازارباەۆ ءسوز سويلەدى. «ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە قاتىسۋشى مەملەكەتتەر دۇنيە جۇزىندە مۇناي قورى بويىنشا جەتەكشى ورىنداردى الىپ وتىر, بۇل قور جەر شارىنداعى «قارا التىننىڭ» 40 پايىزىن قۇرايدى. ءبىزدىڭ قۇرلىقتىڭ كولىك-كوممۋنيكاتسيالىق مۇمكىندىكتەرى شىن مانىندە وراسان. وسىدان ءبىراز بۇرىنعى ازيا داعدارىسىنىڭ ازياداعى ەلدەر ەكونوميكاسى ءۇشىن قيىن سالدارى بولدى, بىراق ول بۇل ەلدەردىڭ تۇعىرىن شايا المادى», دەدى ەلباسى.
* 5 ماۋسىمدا قازاقستان پرەزيدەنتى ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ ءى سامميتىنە قاتىسۋعا كەلگەن قىتاي حالىق رەسپۋبليكاسىنىڭ توراعاسى تسزيان تسزەمين جانە موڭعوليا پرەزيدەنتى ناتساگين باگابانديمەن كەزدەستى.
* 7 ماۋسىمدا سانكت-پەتەربۋرگتە شانحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ كەزدەسۋى بولدى. سامميت جۇمىسىنا قاتىسىپ, ءسوز سويلەگەن ەلباسى نۇرسۇلتان نازارباەۆ: «شانحاي ىنتىماقتاستىق ۇيىمى قازىرگى ۋاقىت پەن تاريحي كەزەڭنىڭ تالاپتارىنا تولىق جاۋاپ بەرەدى جانە ايماقتىڭ وركەنيەتتى دامۋىن ونىڭ ساياسي تۇراقتىلىعى مەن قاۋىپسىزدىگىن ساقتاۋ مىندەتتەرىمەن ءوز قىزمەتىن جانداندىرۋى اسا قاجەت», دەدى.
اتالعان باسقوسۋ تۋرالى «ەگەمەن قازاقستان» گازەتىنىڭ 8 ماۋسىم كۇنگى نومىرىندە «شانحاي ىنتىماقتاستىق ۇيىمى ساياسات الەمىندەگى قادامىن نىقتاپ كەلەدى» تاقىرىبىمەن ماقالا جاريالاندى.
* 6 شىلدەدە استانادا ەلباسى نۇرسۇلتان نازارباەۆتىڭ توراعالىق ەتۋىمەن قازاقستان رەسپۋبليكاسى پرەزيدەنتى جانىنداعى شەتەل ينۆەستورلارى كەڭەسىنىڭ جەتىنشى پلەنارلىق وتىرىسى ءوتتى. جيىن اياقتالعاننان كەيىن جۋرناليستەرگە ارنايى سۇحبات بەرگەن ەلباسى: «قازاقستاندى تمد-نىڭ باسقا مەملەكەتتەرىنەن وزگەشەلەپ تۇراتىن ۇلكەن ءبىر ەرەكشەلىك بار. ول ەكونوميكامىزعا ينۆەستيتسيانىڭ اسا مول كولەمدە سالىنۋى بولىپ تابىلادى», دەدى.
* 7 تامىزدا استانادا ۇكىمەتتىڭ كەڭەيتىلگەن وتىرىسى بولدى. ماجىلىستە ەلباسى نۇرسۇلتان نازارباەۆ ءسوز سويلەدى. ەلباسى ءوز سوزىندە ەل ءومىرىنىڭ ەلەۋلى ماسەلەلەرىن اتاپ كورسەتتى.
*29 تامىزدا استانادا قازاقستان كونستيتۋتسياسىنىڭ 7 جىلدىعىنا وراي سالتاناتتى جيىن ءوتتى. وعان قاتىسقان ەلباسى نۇرسۇلتان نازارباەۆ اتا زاڭىمىز جونىندە كەڭىنەن تولعاپ ءسوز سويلەدى.
* 3 قىركۇيەكتە پرەزيدەنت نۇرسۇلتان نازارباەۆ ءوڭتۇستىك افريكا رەسپۋبليكاسىنىڭ يوحاننەسبۋرگ قالاسىندا وتكەن تۇراقتى دامۋ جونىندەگى بۇۇ ءسامميتىنىڭ جۇمىسىنا قاتىستى. سامميتتە ءسوز سويلەگەن ەلباسى ادامزات بالاسى تالاسسىز عىلىمي-تەحنيكالىق پروگرەسكە قول جەتكىزگەنىنە قاراماستان, جەر جارىلىپ, سۋ اققالى بەرگى سوڭىنان قالماي كەلە جاتقان جارلى-جاقىبايلىق, اشتىق, اۋرۋ, سوعىس اتاۋلىدان تولىق قۇتىلا الماي وتىرعانىنا باسا نازار اۋداردى.
*9 قىركۇيەكتە پرەزيدەنت ن.ءا. نازارباەۆ قازاقستانعا رەسمي ساپارمەن كەلگەن وزبەكستان پرەزيدەنتى ي.كاريموۆتى قابىلدادى. كەزدەسۋ بارىسىندا قازاقستان مەن وزبەكستان اراسىنداعى شەكارا ماسەلەسىن تۇپكىلىكتى شەشكەن شارتقا قول قويىلدى.
*23 قىركۇيەكتە پرەزيدەنت ن.ءا. نازارباەۆ قازاقستانعا تۇڭعىش رەت رەسمي ساپارمەن كەلگەن سلوۆەنيانىڭ پرەزيدەنتى م.كۋچانمەن كەزدەستى. دوستىق, تۇسىنىستىك جاعدايىندا وتكەن باسقوسۋدا ەكىجاقتى ىنتىماقتاستىقتىڭ كوكجيەگىن كەڭەيتۋ باعىتىنداعى ماسەلەلەر تالقىلاندى.
* 26 قىركۇيەكتە تاراز قالاسىنىڭ 2000 جىلدىق تورقالى تويى باستالدى. مەرەكەلىك شارانىڭ اشىلۋ سالتاناتىندا ەلباسى نۇرسۇلتان نازارباەۆ ءسوز سويلەدى. بۇل تۋرالى «ەگەمەن قازاقستان» گازەتىنىڭ 27 قىركۇيەكتەگى نومىرىندە «ماڭگىلىكتىڭ التىن ورمەگى» تاقىرىبىمەن ماقالا جاريالاندى.
*5-6 قازان كۇندەرى ەلباسى نۇرسۇلتان نازارباەۆ ورتالىق ازيا ىنتىماقتاستىق ۇيىمىنا مۇشە مەملەكەتتەر باسشىلارىنىڭ ءتورتىنشى كەزدەسۋىنە جانە ارالدى قۇتقارۋ حالىقارالىق قورىنىڭ وتىرىسىنا قاتىستى.
* 7 قازاندا كيشينەۆتە تمد ەلدەرى باسشىلارىنىڭ ءسامميتى ءوتتى. وعان پرەزيدەنت نۇرسۇلتان نازارباەۆ قاتىستى. القالى جيىندا تمد قۇرىلىمىن جەتىلدىرۋگە بايلانىستى بىرقاتار ماڭىزدى قۇجاتتارعا قول قويىلدى.
*17 قازاندا قازاقستان پرەزيدەنتى ن.ءا.نازارباەۆ قازاقستانعا ساپارمەن كەلگەن بۇۇ باس حاتشىسى ك.اننانمەن كەزدەستى. ەلباسى بۇۇ باس حاتشىسىنىڭ ەلىمىزگە ساپارى رەسپۋبليكا وڭىرىندەگى ۇلكەن ساياسي وقيعا ەكەنىن, ونىڭ قازاقستان مەن بۇۇ اراسىنداعى ىنتىماقتاستىقتى دامىتۋعا جاڭاشا سەرپىن بەرەتىنىن اتاپ كورسەتتى.
* 23 قازاندا تۇركىستان قالاسىندا دۇنيەجۇزى قازاقتارىنىڭ ءىى قۇرىلتايى اشىلدى. سالتاناتتى جيىندا قازاقستان رەسپۋبليكاسىنىڭ پرەزيدەنتى, دۇنيەجۇزى قازاقتارى قاۋىمداستىعىنىڭ توراعاسى نۇرسۇلتان نازارباەۆ بار قازاقتىڭ وتانى بولىپ تابىلاتىن قازاقستاننىڭ بۇگىنى مەن ەرتەڭى, ونىڭ شەتەلدەردەگى قانداستارىمىزبەن بايلانىسى تۋرالى بايانداپ بەردى.
*27 قاراشادا پرەزيدەنت نۇرسۇلتان نازارباەۆتىڭ نيدەرلاند كورولدىگىنە رەسمي ساپارى بولدى. قازاقستان پرەزيدەنتى كورولەۆا بەاتريكس جانە پرەمەر-مينيستر يا.پەتەرمەن كەزدەستى. ساپار بارىسىندا ەلباسى نيدەرلاند بيزنەسمەندەرىن قازاقستان نارىعىنا قاتىسۋعا شاقىردى.
*29 قاراشادا بريۋسسەلدە پرەزيدەنت نۇرسۇلتان نازارباەۆ ەۋروپالىق كوميسسيانىڭ توراعاسى رومانو پروديمەن جانە ەۋروپالىق وداق كەڭەسىنىڭ باس حاتشىسى حاۆەر سولانامەن كەزدەسۋلەرى بولدى.
*18 جەلتوقساندا قازاقستان پرەزيدەنتى نۇرسۇلتان نازارباەۆ ماسكەۋگە كەلدى. ەرتەڭىنە ەلباسى كورولەۆ قالاسىندا بولىپ, ۇشۋدى باسقارۋ ورتالىعىنىڭ جۇمىسىمەن تانىستى. وسى كۇنى نۇرسۇلتان نازارباەۆ رەسەي پرەزيدەنتى ۆلاديمير پۋتينمەن كەزدەستى. پرەزيدەنتتەر ەكىجاقتى ىنتىماقتاستىقتى قانداي باعىتتا دامىتقان ءجون دەگەن ساۋال توڭىرەگىندە اڭگىمەلەستى.
*23 جەلتوقساندا پرەزيدەنت نۇرسۇلتان نازارباەۆتىڭ قىتاي حالىق رەسپۋبليكاسىنا مەملەكەتتىك ساپارى بولدى. كەلىسسوزدەر ناتيجەسىندە نۇرسۇلتان نازارباەۆ پەن تسزيان تسزەمين بىرقاتار ەكىجاقتى قۇجاتتارعا قول قويدى, ونىڭ ىشىندە قىتاي مەن قازاقستان اراسىنداعى دوستىق, تاتۋ كورشىلىك جانە ىنتىماقتاستىق تۋرالى شارت بار.
*27 جەلتوقساندا استانادا ورتالىق ازيا ىنتىماقتاستىعى ۇيىمىنا قاتىسۋشى مەملەكەتتەر باسشىلارىنىڭ ءتورتىنشى ءسامميتى بولدى. جيىندا ەلباسى نۇرسۇلتان نازارباەۆ ۇيىم اياسىنداعى جۇمىستارعا تالداۋ جاساي كەلىپ, ايماق مەملەكەتتەرىنىڭ ىنتىماقتاستىعىن تۇتاستاي العاندا وڭ باعالادى.
