"ەرتىسينۆەست" فورۋمىندا قۇنى 300 ملرد تەڭگە تۇراتىن جوبالارعا قول قويىلدى

وبلىس ورتالىعىندا حالىقارالىق «ErtysInvest-2016» ينۆەستيتسيالىق فورۋمى ءوتتى. وعان ەلىمىزدىڭ وزگە وڭىرلەرىنەن, رەسەي, بەلارۋس, قىتاي, گەرمانيا جانە فرانتسيا ەلدەرىنەن وكىلدەر, شەتەلدىك ديپلوماتيالىق كورپۋس وكىلدەرى, شەتەلدىك بانكتەر مەن كومپانيالار وكىلدەرى قاتىستى. جەرگىلىكتى اكىمدىك, بانك جانە بيزنەس وكىلدەرى ماڭىزدى فورۋمدى سۇلتانماحمۇت تورايعىروۆ اتىنداعى ۋنيۆەرسيتەتتە, ەۋرازيا يننوۆاتسيالىق ۋنيۆەرسيتەتىندە جانە دوستىق ۇيىندە جالپى, پلەنارلىق وتىرىستار تۇرىندە ۇيىمداستىرىپ, سوڭىنان مەموراندۋمعا قول قويىلدى. فورۋمدا الداعى ۋاقىتتا ءون­دىرىستى ءوڭىردىڭ الەۋەتىن ارتتى­رۋعا سەپتەسەتىن ينۆەستيتسيالىق جوبالار ۇسىنىلدى. ماقساتى – وتاندىق جانە شەتەلدىك ينۆەستورلارعا ءوڭىردىڭ ينۆەستيتسيالىق الەۋەتى مەن مۇمكىندىكتەرىن تانىستىرۋ. وسىمەن ءۇشىنشى رەت وتكىزىلگەن حالىقارالىق «ErtysInvest-2016» ينۆەستيتسيالىق فورۋمىنا, وبلىستىق يندۋستريالىق-يننو­ۆاتسيالىق باسقارمانىڭ حابارىن­شا, جالپى قاتىسۋ ءۇشىن 500 ادام تىركەلسە, ولاردىڭ ىشىندە 200 قازاقستاندىق كاسىپكەر بار. فورۋم­نىڭ جۇمىسىنا ەلىمىزدىڭ ين­ۆەستيتسيالار جانە دامۋ مينيستر­لىگىنىڭ ءبىرىنشى ۆيتسە-ءمينيسترى البەرت راۋ, وبلىس اكىمى ب.با­قاۋوۆ, بەلارۋستىڭ گومەل وب­لىستىق اتقارۋ كوميتەتىنىڭ ءتور­اعاسى ۆ.دۆورنيكتىڭ باسقا­رۋىمەن كەلگەن دەلەگاتسيا, شى­عىس قازاقستان وبلىسىنىڭ اكىمى د.احمەتوۆ, «اتامەكەن» ۇكپ باسقارماسى توراعاسىنىڭ ورىنباسارى ا.مىرزاحمەتوۆ, «دامۋ» قورى باسقارماسىنىڭ ءتور­اعاسى ق.تولەۋشين, «قازاقستان يندۋستريالىق دامۋ ينستيتۋتى» اق باسقارماسىنىڭ توراعاسى ا.كۇلسەيىتوۆ, باسقا دا سالا وكىل­دەرى قاتىستى. فورۋم باستالعان س.توراي­عىروۆ اتىنداعى ۋنيۆەرسيتەتتە, ەڭ الدىمەن, «پاۆلودار وبلىسىنىڭ يندۋستريالىق دامۋى. كەشە. بۇگىن» تاقىرىبىندا سۋرەتتەر مەن ينۆەستيتسيالىق جوبالاردىڭ كور­مەسى ءوتتى. كورمە زالىندا تا­نىستىرىلعان جوبالار اليۋميني, مۇناي-حيميا جانە تەمىر جول كلاستەرىن, ساۋدا-لوگيستيكا ينفراقۇرىلىمىن, اگرو­ون­­دىرىستىك كەشەندى, شاعىن جانە ورتا بيزنەستى, ءتۋريزمدى دامى­تۋعا باعىتتالدى. ال پلە­نارلىق وتىرىستا وبلىستىڭ ينۆەس­تي­تسيالىق مۇمكىندىكتەرى بەينەروليك ارقىلى كورسەتىلدى. وتى­رىستاردا جاستار كاسىپكەرلىگى, ايماقتىق ەكونوميكانىڭ دامۋى, مەملەكەت-جەكەمەنشىك سەرىك­تەستىگى مەن كو­لىك-لوگيستيكا ءمۇم­كىندىكتەرى ماسەلەسى تالقىلاندى. ءوڭىردىڭ ينۆەستيتسيالىق جوبا­لارىنىڭ كورمەسىنە 47 ستەند-تاقتا قويىلىپ, ينۆەستيتسيالار تارتۋدى قاجەت ەتەتىن 16 جوبا, پاۆلودارلىق جوعارى وقۋ ورىن­دارىنىڭ 15 ستارتاپ جانە ينۆەس­تيتسيالىق جوبالارى, سونىمەن قاتار, وبلىستىڭ قالالار مەن اۋداندارىنىڭ ينۆەستيتسيالىق تارتىمدىلىعىن بەينەلەيتىن جوبالار تانىستىرىلدى. جەرگىلىكتى كاسىپكەرلەر پالاتاسى «جاس كاسىپكەرلەر» مەكتەبىنىڭ تۇلەكتەرى «Torrent mobile» دەپ اتالاتىن جوبا ۇسىندى. جالپى, فورۋمدا ينۆەستيتسيا سالۋدى قاجەت ەتەتىن 30-دان استام بيزنەس-جوبا ۇسىنىلدى. «فورۋم وتكىزۋدەگى ماقسات – ينۆەستيتسيا تارتۋ. كەزدەسۋدىڭ ناتيجەسىندە, 300 ملرد تەڭگەدەن استام سومانى قۇرايتىن جوبالارعا قول قوي­ىل­دى. وبلىستا 800-دەن استام وندىرىستىك كاسىپورىن جۇمىس ىستەيدى. بۇل – كاسىپكەرلىكتى دامى­تۋعا بارلىق جاعداي جاسالعان دەگەن ءسوز. مىسالى, باياناۋىلعا اۋە رەيستەرىن اشۋ ءۇشىن بيىل جوبالىق-سمەتالىق قۇجاتتامانى ازىرلەۋگە 10 ملن تەڭگە كەرەك, بۇل جوبا تيىمدىلىك اكەلەدى دەپ كۇتى­لەدى», دەيدى ب.باقاۋوۆ. فورۋم بارىسىندا بەلارۋس­تەن ارنايى كەلگەن دەلەگاتسيا جەلەزينكا اۋدانىنداعى «پا­حار» اگروقالاشىعىندا بولىپ, شارۋا قوجالىعى وسىرەتىن كارتوپتىڭ جاڭا سورتىمەن تانىس­تى. وزدەرىندە اۋىل شارۋشالىعى ايتارلىقتاي جاقسى دامىعان بەلورۋستەر ءبىزدىڭ ءوڭىردىڭ دە اۋىل شارۋاشىلىعىنا, اسىرەسە, جىل سايىن كارتوپ, كوكونىس ءونىم­دەرىنىڭ استا-توك مول ءونىم بەرەتىن سورتتارىنا تاڭدانىس ءبىلدىردى. شارۋا قوجالىعىنىڭ تاۋارلى-ءسۇت فەرماسىنىڭ, مال بورداقىلاۋ الاڭىنىڭ جۇ­مىسىن كوردى. كوكونىس ساقتاۋ قويماسىندا تاۋ بولىپ ءۇيىلىپ جاتقان كارتوپتىڭ كۇلگىن ءتۇستى جاڭا سورتىنا نازار اۋداردى. فورۋمدا بەلارۋسپەن 6 ءتۇرلى كەلىسىمشارت جاسالعان بولاتىن. «ءوڭىردىڭ ۇسىنعان جوبالارىنىڭ ءبارى دە ەكونوميكالىق جاعىنان اسا ماڭىزدى. پاۆلودارلىق بيزنەسمەندەر قاشاندا دۇرىس با­عىتتى تاڭدايدى», دەدى شىعىس قازاقستان وبلىسىنىڭ اكىمى د.اح­مەتوۆ. فاريدا بىقاي, «ەگەمەن قازاقستان» پاۆلودار وبلىسى سۋرەتتەردى تۇسىرگەن رۋفينا تورفيششەۆا