پرەزيدەنت جاپون جۋرناليستەرىنە سۇحبات بەردى

نۇرسۇلتان نازارباەۆ NHK تەلەراديو حابارلار تاراتۋ كورپوراتسياسى مەن «كيودو تسۋسين» اقپارات اگەنتتىگىنە سۇحبات بەردى. اڭگىمە بارىسىندا قازاقستان پرەزيدەنتى ەلىمىزدىڭ يادرولىق قارۋدى تاراتپاۋ جانە قارۋسىزدانۋ سالاسىنداعى جۇمساعان كۇش-جىگەرىنە بايلانىستى ساۋالدارعا جاۋاپ بەرىپ, يادرولىق ارسەنالدان باس تارتۋ تۋرالى شەشىم قابىلداۋعا اسەر ەتكەن سەبەپتەر جونىندە ايتتى. سونداي-اق مەملەكەت باسشىسى قازاقستان مەن جاپونيانىڭ ءوزارا ءىس-قيمىلىنىڭ, سونىڭ ىشىندە يادرولىق قارۋسىزدانۋ سالاسىنداعى ىنتىماقتاستىقتىڭ پەرسپەكتيۆالارىن اتاپ ءوتتى. بۇدان بولەك, ەلباسى وڭىرلىك گەوساياسي ۇدەرىستەگى رەسپۋبليكامىزدىڭ ءرولى جانە ەلىمىزدىڭ الەۋمەتتىك-ەكونوميكالىق دامۋى تۋرالى اڭگىمەلەدى. «مەن قازىر وتە جاقسى بايلانىستار, كەلىسسوزدەر ءجۇرىپ جاتقانىن بىلەمىن.  مۇنى,  جاپونيامەن سەنىمگە نەگىزدەلگەن  قارىم-قاتىناستىڭ بولۋىن ءپۋتيننىڭ, رەسەيدىڭ قالايتىندىعىن ناقتى بىلەمىن.  سىزدەردىڭ ارالارىڭىزدا ارالدارعا بايلانىستى ۇنەمى ماسەلە كوتەرىلىپ كەلەدى. بىلەسىزدەر مە, كوپتەگەن ەلدە مۇنداي شەشىلمەگەن ماسەلەلەر بار.  ولار جاقسى, تاتۋ, سەنىمگە نەگىزدەلگەن قارىم-قاتىناستار ارقىلى شەشىلەدى.  ەگەر رەسەي مەن جاپونيا جاقسى ەكونوميكالىق بايلانىستار, سەنىم ورناتىپ,  دوستىق, ءوزارا ساۋدا-ساتتىق تۋرالى شارت جاساساتىن بولسا وزگە پروبلەمالار دا شەشىلەدى. مەن بۇعان سەنىمدىمىن. ويتكەنى, ول جەردە ەكونوميكادان گورى ساياسات باسىم ەدى. سىزدەردىڭ تاراپتارىڭىزدان دا, بۇل تاراپتان دا تەكەتىرەس جوعارى  بولدى. رەسەي مەن جاپونيانىڭ جاقىنداسقانىن قالامايتىن وزگە دە ويىنشىلار دا بار. سوندىقتان دا قازىرگى ۋاقىتتاعى جۇمىستار دۇرىس باعىتتا ءوربىپ كەلەدى»,-  دەدى نازارباەۆ. NHK تەلەراديو حابارلار تاراتۋ كورپوراتسياسى مەن «كيودو تسۋسين» اقپارات اگەنتتىگى جاپونياداعى جانە جاھاندىق اقپارات كەڭىستىگىندەگى جەتەكشى بۇقارالىق اقپارات قۇرالدارى بولىپ سانالادى.