مەملەكەت باسشىسىنىڭ اتىنا قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «نۇرسۇلتان نازارباەۆتىڭ مودەلى: بەيبىتشىلىك پەن كەلىسىمنىڭ 25 جىلى» عالىمدار مەن ساراپشىلاردىڭ حالىقارالىق فورۋمىنا قاتىسۋشىلاردان
ۇندەۋ-قۇتتىقتاۋ
اسا قۇرمەتتى نۇرسۇلتان ءابىش ۇلى! ءسىزدىڭ ساياسي ەرىك-جىگەرىڭىزدىڭ ارقاسىندا بەيبىتشىلىك, بىرلىك جانە تۇراقتىلىق قازاقستاننىڭ ورنىقتى دامۋىنىڭ شەشۋشى قاعيداتتارىنا اينالدى. بۇگىندە, قازاقستان رەسپۋبليكاسى تاۋەلسىزدىگىنىڭ 25 جىلدىعىن مەرەكەلەۋ قارساڭىندا ءبىز ەل تابىستارىنىڭ نەگىزىندە شىن مانىندە ءسىزدىڭ ەسىمىڭىزبەن بايلانىستىرىلاتىن قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلى جاتقانىنا نىق سەنىمدىمىز. ءسىزدىڭ باستاماڭىزبەن قۇرىلعان قازاقستان حالقى اسسامبلەياسى ينستيتۋتى ەتنوستىق, مادەني, ءدىني كوپقىرلىلىقتىڭ تۇراقتىلىق پەن جاسامپازدىق رەسۋرسىنا ترانسفورماتسيالانۋىنا وڭ ىقپال ەتىپ وتىر. قازىرگى كەزەڭدە ن.نازارباەۆ مودەلى دامۋىنىڭ جاڭا دەڭگەيى كەڭ اۋقىمدى جاڭعىرتۋ جوباسى – ۇلت جوسپارى «100 ناقتى قادام: بارشاعا ارنالعان قازىرگى زامانعى مەملەكەت» جوباسىندا ىسكە اسىرىلۋدا. ءسىز قۇرعان «ماڭگىلىك ەل» جالپىحالىقتىق تۇعىرناماسى, ونىڭ ەتنوستاردى توپتاستىرۋداعى ءرولى بۇگىندە ءتۇرلى ەلدەردەگى قوعامتانۋشى-عالىمداردىڭ تۇبەگەيلى زەرتتەۋ تاقىرىبىنا اينالىپ وتىر. ن.نازارباەۆ مودەلىنە نەگىزدەلگەن قازاقستاننىڭ جاھاندىق باستامالارى الەمدىك تۇراقتىلىق پەن قاۋىپسىزدىككە قوسىلعان شەشۋشى ۇلەس بولىپ تابىلادى. الەمدە تۇڭعىش بولىپ سەمەي يادرولىق سىناق پوليگونىن جاپقان جانە اتوم قارۋىنان باس تارتقان ءسىز, نۇرسۇلتان ءابىش ۇلى, حالىقارالىق ساياساتقا جاڭا مورالدىق ستاندارت ەنگىزدىڭىز. ءسىز ۆاشينگتوندا وتكەن يادرولىق قاۋىپسىزدىك جونىندەگى ءىV سامميتتە جاريالاعان «الەم. ءححى عاسىر» مانيفەسى – بۇۇ-نىڭ رەسمي مارتەبەسىن العان قۋاتتى جاسامپازدىق كۇشى بار قۇجات بولىپ تابىلادى. ءسىز تاعايىنداعان «جاھاندىق بەيبىتشىلىك پەن قاۋىپسىزدىك ءۇشىن» حالىقارالىق سىيلىعى ەلىمىزدىڭ بەيبىتسۇيگىش سىرتقى ساياساتىنىڭ جارقىن ايعاعى بولدى. قازاقستان رەسپۋبليكاسىنىڭ جوعارى حالىقارالىق بەدەلىنىڭ, ونىڭ حالىقارالىق قاۋىپسىزدىك پەن مەملەكەتارالىق قارىم-قاتىناستاردا سەنىم شارالارىن نىعايتۋعا قوسقان ۇلەسىنىڭ تانىلۋى – قازاقستاننىڭ 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋى. ءبىز, «نۇرسۇلتان نازارباەۆتىڭ مودەلى: بەيبىتشىلىك پەن كەلىسىمنىڭ 25 جىلى» عالىمدار مەن ساراپشىلاردىڭ حالىقارالىق فورۋمىنا قاتىسۋشىلار, ءسىزدىڭ قازاقستاننىڭ دايەكتىلىكپەن دامۋىن قامتاماسىز ەتۋگە, ورتالىق ازيا ءوڭىرى مەن بۇكىل الەمدە سەنىم شارالارى مەن ءوزارا تۇسىنىستىكتى نىعايتۋعا باعىتتالعان دانا دا كورەگەن ساياساتىڭىزعا ءبىراۋىزدان قولداۋ بىلدىرەمىز. اسا قۇرمەتتى نۇرسۇلتان ءابىش ۇلى, ءبىز ءسىزدى جانە بۇكىل قازاقستان حالقىن تاريحي وقيعا – قازاقستان رەسپۋبليكاسى تاۋەلسىزدىگىنىڭ 25 جىلدىعىمەن قۇتتىقتايمىز جانە بەيبىتشىلىك, يگىلىك پەن ءوسىپ-وركەندەۋ تىلەيمىز. «نۇرسۇلتان نازارباەۆتىڭ مودەلى: بەيبىتشىلىك پەن كەلىسىمنىڭ 25 جىلى» عالىمدار مەن ساراپشىلاردىڭ حالىقارالىق فورۋمىندا قابىلداندى استانا, 2016 جىلعى 28 قازان
