بوزىمباەۆ: الداعى 7 جىلدا قازاقستاندا اەس سالىنبايدى

الداعى جەتى جىلدا قازاقستاندا اتوم ەلەكتر ستانساسىنىڭ قۇرىلىسى قاراستىرىلىپ وتىرعان جوق. بۇل تۋرالى بۇگىن پارلامەنت ماجىلىسىندەگى جالپى وتىرىستان كەيىن قر ەنەرگەتيكا ءمينيسترى قانات بوزىمباەۆ ايتتى. «وزدەرىڭىز بىلەسىزدەر, بۇگىندە قازاقستاندا ەلەكتر ەنەرگياسىنىڭ ءپروفيتسيتى قالىپتاسىپ وتىر. وسى رەتتە جازدا 5 مىڭ مەگاۆات, ال قىسقى جۇكتەمەدە شامامەن 3,5 مىڭ مەگاۆاتقا جەتەدى»,-دەدى مينيستر. ونىڭ سوزىنە قاراعاندا, ۇزاق مەرزىمدى بالانس عىلىمي ينستيتۋتپەن, كەگوك-پەن ازىرلەنىپ, قر ەنەرگەتيكا مينيسترلىگىمەن بەكىتىلگەن جانە ول جەتى جىلدىق بولجامعا نەگىزدەلگەن. «جەتى جىلدىق كەزەڭدە ءبىز تاپشىلىق بايقالمايدى دەگەن تۇجىرىمدامىز. سوندىقتان دا اتالعان كەزەڭدە اتوم ستانساسى سەكىلدى قانداي دا ءبىر جاڭا قۋاتتاردى كورىپ وتىرعامىز جوق»,-دەپ اتاپ ءوتتى ق. بوزىمباەۆ. ايتا كەتەيىك, سوڭعى بىرنەشە جىلدان بەرى قازاقستاندا اتوم ەلەكتر ستانساسىن سالۋ تاقىرىبى قىزۋ تالقىلانىپ كەلەدى. الايدا, بۇل ستانسا قاي ۋاقىتتا سالىناتىندىعى تۋرالى ناقتى شەشىم جاسالعان جوق.