تانىمال بۇركىتشى قىز ايشولپان نۇرعايىپقىزى تۋرالى اقش-تا "بۇركىتشى" (Eagle Huntress) دەرەكتى ءفيلمى ءتۇسىرىلدى. بۇل تۋرالى The New York Times باسىلىمى جازدى.
13 جاسار ايشولپان الەمدەگى ەڭ جاس بۇركىتشى قىز سانالادى. فيلمدە بۇركىتشىلىك ونەردى جىلدام مەڭگەرگەن ايشولپان نۇرعايىپقىزى تۋرالى, قازاق ۇلتىنىڭ داستۇرلەرى تۋرالى كورىنىستەر كورسەتىلگەن. فيلم رەجيسسەرى - وتتو بەلل.
بۇركىتپەن اڭ اۋلاۋ - ەر ادامنىڭ ءىسى دەپ قابىلدانعاندىقتان, ءفيلمدى تۇسىرۋشىلەر اۋىل اقساقالدارىنا بارىپ, ايەل ادام نەگە اينالىسا المايتىنىن انىقتاۋعا تىرىسىپتى. سونىمەن قاتار وتتو بەلل اڭدى ۇستاعانداعى كەي كورىنىستەردى كورەرمەن ءداستۇردى بىلمەي, دۇرىس تۇسىنبەي قالۋى مۇمكىن دەگەن ويمەن قىسقارتقانىن ايتقان.
