«ەگەمەن قازاقستان» ەلباسى كىتابىنىڭ جاڭا بولىمدەرىن جاريالادى

«ەگەمەن قازاقستان» گازەتى پرەزيدەنت نۇرسۇلتان نازارباەۆتىڭ جاڭا جازىلىپ بولعان « ۇلى دالا ۇلاعاتتارى» اتتى كىتابىن جاريالاۋدى جالعاستىرىپ جاتىر. بۇگىنگى نومىردە جانە سايتىمىزا «تاۋەلسىزدىكتىڭ تال بەسىگى» جانە «ساياسات سالتاناتى» اتتى بولىمدەرى جارىق كوردى. ءبىرىنشى بولىمدە ەلباسى تاۋەلسىزدىكتىڭ تال بەسىگى الماتى تۋرالى تولعانىستارىمەن بولىسەدى. «الماتى ۇلتتىق سانانى قالىپتاستىرۋدىڭ رۋحاني ورتالىعى بولدى» دەيدى نۇرسۇلتان نازارباەۆ. ەكىنشى ءبولىم «ساياساتتىڭ ءمانى نەدە؟ ساياساتكەردىڭ مۇراتى قانداي؟» دەگەن سۇراقتارعا شيرەك عاسىرلىق جاڭا تاريح كەزەڭىندەگى باستى وقيعالار, العا قويىلعان جانە ورىندالعان مىندەتتەر نەگىزىندە جاۋاپ بەرەدى. « ۇلى دالا ۇلاعاتتارى» كىتابىنا ەلباسى نۇرسۇلتان نازارباەۆ قاجىرلى ەڭبەككە تولى عۇمىرىندا ساياساتكەر جانە ادام رەتىندە تۇيگەن ويلارى, ەل مەن جەر, ادامي جانە ۇلتتىق قۇندىلىقتار تۋرالى فيلوسوفيالىق تولعانىستارى جيناقتالعان.