مادريدتەگى حالىقارالىق راديو قر ەلشىسىنەن سۇحبات الدى

مادريدتەگى حالىقارالىق راديو يسپانيا كورولدىگىندەگى قر ەلشىسى باقىت دۇيسەنباەۆپەن سۇحبات وتكىزدى.  «ديپلوماتيالىق الەم» باعدارلاماسىنداعى سۇحبات قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالدى. قر ءسىم ءباسپاسوز قىزمەتىنىڭ حابارلاۋىنشا, سۇحبات بارىسىندا قازاقستان ەلشىسى يسپاندىق راديوتىڭدارماندارعا تاۋەلسىزدىك جىلدارىنداعى ەلدىڭ ىشكى جانە سىرتقى ساياسي جەتىستىكتەرى تۋرالى اڭگىمەلەدى. اتاپ ايتقاندا, ب.دۇيسەنباەۆ ەلىمىزدىڭ باسەكەگە قابىلەتتى ەكونوميكاعا يە بولعانىن, حالىقارالىق كولەمدەگى ءتۇرلى شارالاردى وتكىزگەنىن جانە قازاقستاننىڭ بەيبىتشىلىكتى قامتاماسىز ەتۋ بويىنشا جاھاندىق پروتسەسستەرگە قاتىسقانىن باياندادى. سونىمەن بىرگە, ەلشى قر پرەزيدەنتى نۇرسۇلتان نازارباەۆتىڭ قازاقستانداعى ەتنيكاارالىق جانە دىنارالىق كەلىسىمدى ساقتاۋعا باعىتتالعان سىندارلى ساياساتىن ەرەكشە اتاپ ءوتتى جانە قازاقستان رەسپۋبليكاسىنىڭ 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانعانىن ايتتى. سۇحبات بارىسىندا ب.دۇيسەنباەۆ استاناداعى ەكسپو-2017 دايىندىق كەزەڭىنىڭ اياقتالعانىن ايتتى جانە كورولدىك قۇزىرىنداعى ازاماتتارعا ارنالعان جەڭىلدەتىلگەن ۆيزا رەجيمىمەن يسپاندىق تۋريستەردى كورمەگە كەلۋگە شاقىردى.