«التىن قوردان» ايىرىلۋ – رۋحاني بايلىعىمىزدى جوعالتۋ

«ەگەمەننىڭ» 25 قازان كۇنگى نومىرىندە جاريالانعان قازاق راديوسى «التىن قور» ءبولىمىنىڭ جەتەكشىسى التىن يمانباەۆانىڭ «التىن قوردىڭ» احۋالى الاڭداتادى» سۇحباتىنداعى جانايقاي ەرىكسىز قولىما قالام العىزدى. شىنىندا دا, 70 جىلدان بەرى كوزدىڭ قاراشىعىنداي قورعالىپ, جاناشىرلىقپەن ساق­تالىپ كەلە جاتقان 111 مىڭ­نان استام شىعارما مەن حاباردان كوپە-كورنەۋ قول ءۇزىپ قالۋ – كەشى­رىلمەيتىن قاتەلىك, ورنى تولماس وكىنىش. قازاقتىڭ نەگىزگى بايلى­عىنىڭ ءبىرى ءان-جىرى ەمەس پە؟ قازاقتى ءان-جىرىنان اجىراتۋ – ناعىز ماڭگۇرتتىككە اپاراتىن جول. شيرەك عاسىردان بەرى مەملە­كەتتىك ءتىلىمىز – قازاق ءتىلىن جابىلا شۋلاپ ءجۇرىپ وڭالتا الماي كەلەمىز. ءالى اياعىنان تىك تۇرا الماي, تۇرسا جۇرە الماي قالت-قۇلت ەتىپ, تۇساۋى كەسىلمەگەن ءسابيدىڭ كۇيىن كەشۋدە. بۇعان كىم كىنالى؟! ءتىلىمىزدى قورعاۋ, دامىتۋ, قولداۋ تۋرالى زاڭ بار, مۇمكىندىك تە بار, بىراق وزىمىزدە قۇنت پەن ق ۇلىق جوق. ناعىز قازاقتىڭ شۇرايلى ءتىلى ءانى مەن جىرىندا, شىعارمالارىندا جاتقان جوق پا! ولاي بولسا, سول شىعارمالاردى ساقتاپ كەلە جات­قان «التىن قوردى» نەگە ەلدەن ال­شاقتاتامىز؟ نەگە وعان قورعان­سىزدىڭ كۇنىن كورسەتەمىز!؟ ونەر زەرتتەۋشىسى, قازاقستاننىڭ ەڭبەك سىڭىرگەن قايراتكەرى, بەلگىلى كۇيشى جارقىن شəكəرىم 1925 جىلى فرانتسيادا ۇنتاسپاعا ءتۇس­كەن Əمىرە قاشاۋباەۆتىڭ التى ءəنىن بىرنەشە جىل سارىلىپ ىزدەپ مəسكەۋ ارحيۆىنەن تاۋىپ, «ال­تىن قورعا» əكەلىپ تاپسىرعاندا, قۋان­باعان قازاق قالماپ ەدى. بۇل ۇلتتىق ونەرىمىزدىڭ ومىرىندەگى ەلەۋلى وقيعا بولعان-دى. ەندى سول قۇندىلىقتان ايىرىلىپ قالعالى وتىرعاندا نەگە قام قىلمايمىز, اعايىن؟! مەنىڭ 15 جىلعا جۋىق ءومىرىم قازاق راديوسىندا ءوتتى. ساياسي حابارلار, ادەبيەت, مادەنيەت جانە ونەر, شەتەلدەرگە حابار تاراتۋ باس رەداكتسيالارىندا, «شالقار» ۇلتتىق باعدارلاماسىندا ەڭبەك ەتتىم. ەلىمىزگە جانە شەتەلدەرگە قازاقستاننىڭ جاڭالىقتارىمەن قاتار, حالقىمىزدىڭ ءان-جى­رىن, شەشەندىك سوزدەرىن, تاما­شا تامسىلدەرىن تاراتتىق. اسىرە­سە, شەتەلگە حابار تاراتاتىن جانە «شالقار» رەداكتسيالارىن­دا جۇرگەندە يتاليادان, گەرما­نيادان, موڭعوليادان قازاقتىڭ اندەرىن ءجيى بەرۋدى سۇراعان حاتتار اعىلىپ كەلىپ جاتاتىن. ەرمەك سەركەباەۆتىڭ ورىنداۋىنداعى اباي اندەرىن كوبىرەك سۇرايتىن. «التىن قوردا» قانشاما داۋىس, ءان, كۇي, اۋەن ساقتالعانى ءوز الدىنا, سول حابارلاردى دايىنداۋ ءۇشىن قانشاما تەر توگىلدى دەسەڭىزشى؟! سالماعى 10-15 كيلو كەلەتىن رە­پور­تەردى يىققا سالىپ, قانشاما جەردى شارلادىق. حالىقتىڭ ءان-كۇيىن جيناۋ ماقساتىندا ارنايى ەكسپەديتسياعا شىعىپ, ەلىمىزدىڭ تۇكپىر-تۇكپىرىن ارالاپ, ۇلتتىق قۇندىلىعىمىزدى انشىلەر مەن جىراۋلاردىڭ ءوز اۋزىنان جازىپ الدىق. ەندى, مىنە, سول داۋىلپاز داۋىستار, قۇلاق قۇرىشىن قاندىرعان اسەم اندەر, ولاردى تاسپاعا تۇسىرۋدەگى كۇن-ءتۇن قاتىپ اتقارىلعان قىرۋار ىستەر كەلمەسكە كەتكەلى تۇر... قازاق راديوسى «التىن قور» ءبولىمىنىڭ بۇگىنگى احۋالىنا ەلىمىزدىڭ باس باسىلىمى «ەگە­مەن قازاقستان» گازەتىنىڭ الاڭداۋ­شىلىق بىلدىرگەنى وتە قۇپتارلىق. بۇل باستامانى قولداۋ كەرەك, قوردى كوپ بولىپ قورعاۋعا ءتيىسپىز! سارسەنبەك بەكمۇرات ۇلى, قازاقستاننىڭ قۇرمەتتى ءجۋرناليسى